Iran War News: इराणच्या निमलष्करी ‘रिव्होल्युशनरी गार्ड’ने युद्धादरम्यान हॉर्मुझच्या सामुद्रधुनीत समुद्री सुरुंग पेरले असण्याची शक्यता वर्तवणारा एक नकाशा प्रसिद्ध केला. इराणच्या निमशासकीय वृत्तसंस्था ‘इसना’ आणि ‘तस्नीम’ यांनी हा नकाशा प्रसिद्ध केल्याने खळबळ उडाली. तेलवाहू जहाजांना ओमानच्या किनारपट्टीऐवजी आता इराणच्या किनारपट्टीजवळून, म्हणजेच उत्तर मार्गाने प्रवास करण्याचा सल्ला दिला आहे. या मार्गावरून सुरक्षितपणे जाण्यासाठी इराणच्या नौदलाशी समन्वय साधणे अनिवार्य असल्याचे म्हटले आहे. हा नकाशा प्रसिद्ध करून इराणने अमेरिकेवर दबाव निर्माण केल्याचा प्रयत्न केला आहे. यानंतर आता इराणचे सुप्रीम लीडर मोज्तबा खामेनी यांनी होर्मुझ सामुद्रधुनी संदर्भात नवीन धोरण जाहीर केले आहे.
इराणचे सर्वोच्च नेते मोज्तबा खामेनी यांनी होर्मुझच्या सामुद्रधुनीवरील आपली पकड आणखी घट्ट करण्याचे संकेत दिले आहेत. तसेच होर्मुझवर टोल घेण्यावर ठाम असल्याचे म्हटले जात आहे. इराणच्या या अडवणुकीमुळे जगभरातील अनेक देश नाराज असून, तणाव वाढत चालला असल्याचे म्हटले जात आहे. मोज्तबा खामेनी यांनी यासंदर्भात एक निवेदन जारी केल्याचे सांगितले जात आहे. इराण आता होर्मुझच्या सामुद्रधुनीवर केवळ नियंत्रण ठेवण्याऐवजी, एक नवी रणनीती विकसित करत आहे आणि आपले नियंत्रण पुढील टप्प्यावर नेत आहे, असे यात म्हटले आहे. युद्धविरामानंतर पाकिस्तानात इराणी आणि अमेरिकी अधिकाऱ्यांमध्ये चर्चा होण्याची शक्यता असतानाच इराणने ही नवीन चाल खेळल्याचे म्हटले जात आहे.
या युद्धाचा विजेता निश्चितच इराण आहे
इराणच्या सरकारी वृत्तवाहिनीवर वाचून दाखवलेल्या एका निवेदनात मोज्तबा यांनी या नव्या धोरणाबाबत माहिती दिली. इराण होर्मुझ सामुद्रधुनीच्या व्यवस्थापनात एका नव्या टप्प्यात प्रवेश करेल. इराणला युद्ध नको आहे, परंतु ते आपले हक्क सोडणार नाही. सर्व विरोधकांना एकच असल्याचे आम्ही मानतो. या युद्धाचा विजेता निश्चितच इराण आहे, असा पुनरुच्चार खामेनी यांनी केला. तसेच इराण या संघर्षाकडे सामरिक आणि प्रतिकात्मक अशा दोन्ही दृष्टिकोनांतून पाहते. प्रत्युत्तर देणे हाच इराणच्या भूमिकेचा मुख्य मुद्दा आहे. इराण आपले सर्वोच्च नेते दिवंगत अली खामेनी आणि आपल्या हुतात्म्यांचा बदला घेण्यास कटिबद्ध आहे, असेही मोज्तबा यांनी स्पष्ट केले.
दरम्यान, २८ फेब्रुवारी रोजी युद्ध सुरू झाल्यापासून होर्मुझ सामुद्रधुनीचे महत्त्व जगाला, विशेषतः आशियाई देशांना, अधिकाधिक स्पष्ट झाले आहे. इराण आता त्याच भीतीचा फायदा घेण्याचा प्रयत्न करत आहे. इराण आता होर्मुझ सामुद्रधुनीचा शस्त्र म्हणून वापर करत असल्याचे म्हटले जात आहे. इराण होर्मुझच्या सामुद्रधुनीवरील निर्बंध पद्धतशीरपणे अधिक कडक करू शकतो, असे मानले जात आहे.
Web Summary : Iran is tightening its grip on the Strait of Hormuz, planning to levy tolls and implement a new strategy. This move has sparked international concern and heightened tensions, especially following a map hinting at naval mines. Iran asserts its rights and sees itself as the victor.
Web Summary : ईरान होर्मुज जलडमरूमध्य पर अपनी पकड़ मजबूत कर रहा है, टोल वसूलने और एक नई रणनीति लागू करने की योजना बना रहा है। इस कदम से अंतरराष्ट्रीय चिंता बढ़ गई है और तनाव बढ़ गया है, खासकर नौसैनिक खानों का संकेत देने वाले एक नक्शे के बाद। ईरान अपने अधिकारों पर जोर देता है और खुद को विजेता मानता है।