US Israel-Iran War : इराण युद्ध आणखी किती दिवस चालणार? यासंदर्भात खुद्द अमेरिकेचे राष्ट्राध्यक्ष डोनाल्ड ट्रम्प यांनी मोठे विधान केले आहे. हा संघर्ष आणखी चार आठवडे सुरू राहू शकतो, असे संकेत ट्रम्प यांनी दिले आहे. तसेच, 'इराण हा एक मोठा आणि मजबूत देश आहे. यामुळे या प्रक्रियेला वेळ लागणे स्वाभाविक आहे', असेही ट्रम्प यांनी म्हटले आहे.
असा आहे संपूर्ण 'ट्रम्प प्लॅन'! -'द डेली मेल'ला फोनवरून दिलेल्या मुलाखतीत ट्रम्प म्हणाले, "हे आधीपासूनच चार आठवड्यांचे नियोजन होते. आम्हाला वाटते की यासाठी चार आठवडे किंवा त्यापेक्षा थोडा कमी वेळ लागेल. सर्व काही नियोजनानुसारच सुरू आहे. अमेरिकेने इराणची संपूर्ण लीडरशिप संपवली आहे." एवढेच नाही तर, या कारवाईत इराणचे सुमारे ४८ नेते मारले गेल्याचा दावाही त्यांनी केला.
सैनिकांना श्रद्धांजली -इराण युद्दात तीन अमेरिकन सैनिकांचाही मृत्यू झाला आहे. यासंदर्भात बोलताना ट्रम्प म्हणाले, "ते जवान जबरदस्त होते. मात्र, अशा घटना घडू शकतात याची आम्हाला भीती होती." यावेळी त्यांनी शहीद सैनिकांना श्रद्धांजलीही अर्पण केली. तसेच, आपल्या कार्यकाळातील हे पहिले अमेरिकन मृत्यू असल्याचेही ते म्हणाले.
चर्चेचा मार्गही खुला -यावेळी, इराणसोबत चर्चा होऊ शकते? असे विचारले असता ट्रम्प म्हणाले, "माहीत नाही, इराणला चर्चा करायची आहे, पण मी त्यांना सांगितले की, चर्चा गेल्या आठवड्यात करायची होती. या आठवड्यात नाही." दरम्यान, ट्रम्प यांनी बहरीन, सौदी अरेबिया, यूएई, कतार आणि जॉर्डनच्या नेत्यांशी संवाद साधला असून, लवकरच ते अमेरिकन जनतेला संबोधित करणार आहेत.
Web Summary : Trump suggests the Iran conflict may last four weeks, claiming leadership elimination and Iranian casualties. He mourned American soldiers' deaths, his first in office, but remains open to dialogue, though he prefers earlier talks.
Web Summary : ट्रम्प का सुझाव है कि ईरान संघर्ष चार सप्ताह तक चल सकता है, उन्होंने नेतृत्व खत्म करने और ईरानी हताहतों का दावा किया। उन्होंने अमेरिकी सैनिकों की मौत पर शोक व्यक्त किया, कार्यालय में उनकी पहली मौत, लेकिन बातचीत के लिए खुले हैं।