दुबई - कोणाला कशाचाही छंद असू शकतो. प्रत्येक जण आपल्या ऐपतीप्रमाणे आपला छंद जोपासत असतात. या छंदातून कित्येकांना प्रसिद्धीही मिळाली आहे. छंदामुळे प्रसिद्धीच्या झोतात आलेला एक चिमुकला सोशल मीडियावर बराच व्हायरल झाला आहे. चप्पल खरेदी करण्याच्या छंदातून त्याने जवळपास १ मिलिअन डॉलरचे शू कलेक्शन जमा केलं आहे.
दुबईत राहणारा रॅश बेल्हासा हा अवघा १५ वर्षांचा चिमुकला. त्याच्याकडे १ मिलिअन डॉलरचे शू कलेक्शन आहे. मुळातच तो युट्यूब आणि इन्स्टाग्रामवर फार प्रसिद्ध आहे. त्यामुळे त्याचा हा छंद सोशल मीडियाच्या माध्यमातून अनेक नेटिझन्सपर्यंत पोहोचला. आता तुम्ही म्हणाल या एवढ्या लहान मुलाकडे एवढे पैसे आले तरी कुठून?
रॅश हा कोणा सामान्य माणसाचा मुलगा नाही. तो गडगंज श्रीमतांच्या घरी जन्माला आलाय. दुबईतील प्रसिद्ध व्यावसायिक सेफ अहमेद बेल्हासा यांचा तो मुलगा. रॅश जन्मजातच श्रीमंत आहे. तसेच सोशल मीडियावर त्याचे फोलोअर्सही अधिक आहेत. त्यामुळे त्याने त्याच्या या शू कलेक्शनविषयी सोशल मीडियावर सांगितले असता अनेकांचे डोळेच फिरले. या मुलाकडे चप्पलाच जर १ मिलिअनच्या असतील तर याचं राहणीमान किती उंच असेल याविषयी चर्चाच करायला नको.
बरं, या चिमुकल्याची ओळख बॉलिवूडपासून ते हॉलिवूडपर्यंतच्या सगळ्या कलाकारांशी आहे. त्यांच्या फार्महाऊसवर अनेक जंगली प्राणी आहेत. सिंह, वाघ, बिबटे त्यांनी घरात पाळलेले आहेत. त्यामुळे या प्राण्यांना पाहण्यासाठी शाहरुख खान, सलमान खान, सेफ अली खान, विझ कलिफा, टियागा, मेसी, निकी मिनाज असे अनेक दिग्गज कलाकार येऊन गेलेत. सेफ अहमेद बेल्हासा यांच्याकडे अनेक आलिशान गाड्या आहेत. त्यापैकी रॅशकडे स्वत:ची अशी फेरारीही आहे.
रॅश जन्मजात श्रीमंत असला तरीही त्याने त्याची एक वेगळी ओळख निर्माण केलीय. त्याचं शू कलेक्शन तर आहेच, त्याचप्रमाणे त्याचं स्वत:चं कपड्याचं कलेक्शन आहे. मात्र या कपड्यांच्या कलेक्शनमधून तो अफाट कमवतोय. केवळ वडिलांच्या जीवावर न राहता, स्वत:ही व्यवसाय करू लागलाय. म्हणूनच तो सोशल मीडियावर प्रसिद्ध झाला आहे.
सौजन्य - www.rvcj.com