काही दिवसापूर्वी पंतप्रधान नरेंद्र मोदी यांच्या लक्षद्वीप येथील व्हिडीओ आणि फोटोवर मालदीच्या मंत्र्यांनी आक्षेपार्ह कमेंट केली होती, यावरुन आरोप-प्रत्यारोप झाले होते. यावेळी सोशल मीडियात बायकॉट मालदीव हा ट्रेंड सुरू झाला. पण, आता मालदीव येथील नेत्यांसोबतच सर्वसामान्य जनताही भारताची माफी मागू लागली आहे. मालदीवच्या मंत्र्यांनी सोशल मीडियावर भारत आणि पंतप्रधान नरेंद्र मोदी यांच्याविरोधात आक्षेपार्ह टिप्पणी केली होती. यानंतर भारतीयांनी सोशल मीडियावर मालदीवमधील पर्यटनावर बहिष्कार टाकण्यास सुरुवात केली.
यात भारतातील सर्व बड्या व्यक्तींचा सहभाग होता. परिस्थिती अशी आहे की आता मालदीवच्या लोकांना वैद्यकीय उपचारांसाठी भारताकडे आवाहन करावे लागत आहे. मालदीव हे ९८ टक्के वैद्यकीय उपचारांसाठी भारतावर अवलंबून आहे.
"ज्याला एक खाते चालवता येत नाही, त्याला घटनाबाह्य मुख्यमंत्री बनवलं"
मालदीवच्या बहिष्कारानंतर तेथील पर्यटनावर मोठा परिणाम झाला आहे. भारतीय पर्यटन कंपन्यांनी मोठ्या प्रमाणात तिकिटे रद्द केली. मालदीवने घाईघाईत भारताचे पंतप्रधान मोदींविरोधात आक्षेपार्ह टिप्पणी केल्याबद्दल जबाबदार असलेल्या तीन उपमंत्र्यांना हटवले.
आता मालदीव येथील सामान्य नागरिक सोशल मीडियावरुन भारतीयांची माफी मागत आहेत. एका व्यक्तीने ट्विट केले की, 'मी माझ्या सर्व भारतीय मित्रांची माफी मागतो आणि आमच्या भारतातील प्री-बुक केलेल्या कौटुंबिक वैद्यकीय सहलीबद्दल चिंतित आहे,'जरी बेटांवर प्राथमिक आरोग्य सुविधा उपलब्ध आहेत, प्रगत वैद्यकीय उपचारांसाठी अनेकदा राजधानी माले किंवा परदेशातही प्रवास करावा लागतो, असंही त्या वापरकर्त्यांने ट्विटमध्ये म्हटले आहे.
मालदीव देशाच्या आरोग्य सेवा आव्हानांना सामोरे जाण्यासाठी भारत एक महत्त्वाचा भागीदार म्हणून उदयास आला आहे. विशेष वैद्यकीय उपचार आणि शस्त्रक्रियांसाठी केवळ मालदीवचे लोकच भारताकडे वळत नाहीत, तर मालदीवच्या आरोग्य सेवा कर्मचार्‍यांसाठी वैद्यकीय व्यावसायिकांची भरती आणि प्रशिक्षण देण्यातही भारत महत्त्वाची भूमिका बजावतो.
मालदीवमधील ९८% लोक वैद्यकीय पर्यटनासाठी भारताला प्राधान्य देतात. यानंतर त्यांची दुसरी पसंती श्रीलंकेला आहे. भारतातील प्रगत वैद्यकीय सुविधा, प्रख्यात डॉक्टर्स आणि तुलनेने स्वस्त उपचार खर्च सोबतच मालदीवमध्ये सहज उपलब्ध नसलेले जटिल वैद्यकीय उपचार यामुळे हा एक आकर्षक पर्याय आहे.
मालदीवने आसंधा नावाची सार्वजनिक संदर्भ प्रणाली स्थापन केली आहे, जी आपल्या नागरिकांसाठी परदेशात उपचारांसाठी वित्तपुरवठा करते. या योजनेंतर्गत, मालदीवच्या रुग्णांना सार्वजनिक क्षेत्रातील डॉक्टरांद्वारे विशिष्ट प्रक्रियेसाठी परदेशात प्रवास करण्यासाठी शेड्यूल केले जाऊ शकते, भारत हे एक प्रमुख गंतव्यस्थान आहे.