मस्कट : भारतीय पुरुष हॉकी संघाने आशियाई चॅम्पियन्स ट्रॉफी हॉकी स्पर्धेत आशियाई सुवर्णपदक विजेत्या जपानचा ९-० ने धुव्वा उडवत विजयाची हॅट््ट्रिक नोंदवली.रविवारी रात्री उशिरा झालेल्या या लढतीत भारताच्या सहा खेळाडूंनी गोल नोंदवले. भारत स्पर्धेत ९ गुणांसह अव्वल स्थानी असून मलेशिया ६ गुणांसह दुसऱ्या स्थानी आहे.स्ट्रायकर ललित उपाध्याय व मनदीप सिंग यांनी प्रत्येकी २ गोल केले तर ड्रॅग फ्लिकर हरमनप्रीत सिंगने एक पेनल्टी स्ट्रोक व एक पेनल्टी कॉर्नरचे गोलमध्ये रूपांतर केले. भारतातर्फे ललितने चौथ्या मिनिटाला पहिला व ४५ व्या मिनिटाला दुसरा गोल केला. हरमनप्रीतने १७ व्या मिनिटाला व २१ व्या मिनिटाला, तर मनदीप सिंग याने ४९ व ५७ व्या मिनिटाला गोल नोंदवले.जपानचा गोलरक्षक ताकाशी योशिकावा आठव्या मिनिटाला हरमनप्रीतचा पेनल्टी कॉर्नरवरील फटका अडवण्याच्या प्रयत्नात दुखापतग्रस्त झाला. त्यावेळी गुरंजतने मिळालेल्या संधीवर गोल नोंदवला.
भारताने नोंदवली विजयी हॅट्ट्रिक
By लोकमत न्यूज नेटवर्क | Updated: October 23, 2018 04:18 IST