कहाकर (बु), कनेरगाव नाका, कापडसिंगी, नर्सी नामदेव, सवना, फाळेगाव, सिद्धेश्वर, नंदगाव, भोसी, ९ मे रोजी जिल्ह्यातील जांभळी, कळमनुरी, कोंढूर, पोत्रा, करंजी, आखाडा बाळापूर, कुरुंदा, दांडेगाव, जवळा बाजार, डोंगरकडा, डिग्रस कऱ्हाळे, औंढा नागनाथ व परिसर, जवळा बाजार व परिसर, पार्डी (खुर्द), दांडेगाव, जवळा पांचाळ आदींसह जिल्ह्यातील अनेक भागांमध्ये हलक्या व मध्यम स्वरुपाचा पाऊस झाला. अवकाळी पावसाबरोबर विजांचा कडकडाटही सुरू होता. दरम्यान, काही ठिकाणचा वीजपुरवठाही खंडित झाला होता.
सध्या जिल्ह्यात बहुतांश ठिकाणी भुईमुगाची काढणी सुरू आहे. अवकाळी पावसामुळे भुईमुगाला चांगलाच फटका बसला आहे. काही शेतकऱ्यांचा कडबा अवकाळी पावसामुळे भिजला. गत दोन-तीन दिवसांपासून जिल्ह्यात ढगाळ वातावरण पहायला मिळत आहे. दुपारी ऊन व सायंकाळच्या वेळी ढगाळ वातावरण निर्माण होऊन तुरळक ठिकाणी पाऊस पडत आहे. यामुळे उन्हाळी शेतकामात शेतकऱ्यांना अनेक समस्यांना सामोरे जावे लागत आहे.
रविवारी पहाटे साडेचार वाजता सुरू झालेला पाऊस सकाळी सव्वानऊ वाजेपर्यंत सुरूच होता. अवकाळी पावसामुळे सखल भागात पाणी साचले होते. दुसरीकडे सिमेंट रस्त्यांवरून पाणी वाहत होते. एकंदर जिल्ह्यात झालेल्या अवकाळी पावसामुळे गारवा निर्माण झाला होता. दुपारच्या वेळेला शेतकरी शेतातील भुईमुगाच्या काड्यावर (चारा) ताडपत्री अंथरताना दिसत होते.
कनेरगाव नाका (फोटो नंबर २)
नर्सी नामदेव (फोटो नंबर ३)
दांडेगाव (फोटो नंबर ४)
जवळा पांचाळ (फोटो नंबर ५)