औंढा नागनाथ : तालुक्यातील १०१ ग्रामपंचायतींच्या सरपंचपदासाठी गुरुवारी येथील तहसील कार्यालयात आरक्षण सोडत जाहीर करण्यात आली. त्यात यापूर्वी रद्द झालेल्या आरक्षण सोडतीमध्ये काहीअंशी फेरबदल झाला तर काही ठिकाणी तेच आरक्षण कायम राहिले आहे. येहळेगाव (सोळंके) येथील सरपंचपदाचे आरक्षण अनुसूचित जमाती महिलेसाठी राखीव आहे. परंतु या ठिकाणी एकही उमेदवार नसल्याने त्या ठिकाणाचे सरपंचपद रिक्त राहणार आहे. त्याऐवजी उपसरपंच कारभार पाहणार असल्याचे दिसत आहे.
अनुसूचित जाती - काठोडा, ढेगज, चोंडीतर्फे शहापूर, सिद्धेश्वर, आजरसोंडा, अंजनवाडा.
अनुसूचित जाती महिला- उंडेगाव, दुरचूना, मार्डी, नागझरी, वडद, बोरजा, रामेश्वर.
अनुसूचित जमाती - लोहरा बुद्रुक, रूपूर, जडगाव, देवाळातर्फे लाख, पोटा बुद्रुक, जामगव्हाण, पुरजळ, असोलातर्फे औंढा, जोड पिंपरी.
अनुसूचित जमाती महिला- सावळी बहिणाराव, माथा, नालेगाव, येळेगाव सोळंके, पेरजाबाद, उमरा, काकडदाभा, चिमेगाव.
नागरिकांचा मागास प्रवर्ग- रांजाळा, अंजनवाडी, येडुद, साळणा, मेथा, मूर्तिजापूर, सावंगी, शिरड शहापूर, वाळकी, सुरवाडी, नागेशवाडी, सुरेगाव, आमदरी, सारंगवाडी.
नागरिकांचा मागास प्रवर्ग महिला- हिवरा जाटू, गोजेगाव, कंजारा, सेंदुरसना, कोंडसी बुद्रुक, कुंडकर पिंपरी, गोळेगाव, जवळा बाजार, चिंचोली निळोबा, नांदखेडा, भोसी, फुलदाभा, सोनवाडी, संघानाईक तांडा.
सर्वसाधारण प्रवर्गासाठी- लांडाळा, पूर, दौडगाव, सावळी खुर्द, पोटा खुर्द, वसई, देवाळा तुर्क, जलालदाभा, दुधाळा, राजापूर, नंदगाव, पिंपळदरीतर्फे नांदापूर, हिवरखेडा, टाकळगव्हाणतर्फे औंढा, येळी, राजदरी, निशाणा, ब्राह्मणवाडा, सुकापूर, लोहारा खुर्द, गढाळा, आणि वगरवाडी तांडा.
सर्वसाधारण प्रवर्ग महिला- बेरुळा, वडचुना, उखळी, केळी, तपोवन, शिरला, पारडी सावळी, असोलातर्फे लाख, जलालपूर, असोदा, लाख, धार, पांगरातर्फे लाख, अनखळी, पिंपळा, वगरवाडी, काठोडा तांडा, गांगलवाडी, सावरखेडा, दरेगाव, तामटी तांडा, लक्ष्मण नाईक तांडा आदी ग्रामपंचायतीचा समावेश आहे.
सदरील आरक्षण सोडत उपविभागीय अधिकारी प्रवीण फुलारी यांच्या अध्यक्षतेखाली घेण्यात आली. यावेळी तहसीलदार डॉ. कृष्णा कानगुले, नायब तहसीलदार सचिन जोशी, वैजनाथ भालेराव, शैलेश वाईकर आदींची उपस्थिती तर यशस्वीतेसाठी उमाकांत मुळे, हनुमान शेळके यांनी परिश्रम घेतले. आरक्षण सोडत ऐकण्यासाठी नूतन ग्रामपंचायत सदस्य, पॅनलप्रमुख व ग्रामस्थांची मोठ्या संख्येने उपस्थिती होती. सोनवाडी ही ग्रामपंचायत नागरिकांचा मागास प्रवर्ग महिलेसाठी आरक्षित झाली, तर सारंगवाडी येथेही सदरील आरक्षणाचा एकही उमेदवार नसल्याने शासन याबाबत कोणती भूमिका घेते याकडे ग्रामस्थांचे लक्ष लागले आहे.