हे सुरू राहणार..
रुग्णालय, रोगनिदान केंद्र, क्लिनिक, वैद्यकीय विमा कार्यालय, औषधी दुकाने, औषधी निर्मिती उद्योग, इतर वैद्यकीय आणि आरोग्य सेवा, किराणा दुकाने, भाजीपाला दुकाने, दूध डेअरी, बेकरी, मिठाई खाद्य दुकाने, सार्वजनिक वाहतूक व्यवस्था जसे की, रेल्वे, टॅक्सी, ऑटोरिक्षा आणि सार्वजनिक बसेस, स्थानिक प्राधिकरणाकडून देण्यात येणाऱ्या सार्वजनिक सेवा, वस्तूंची वाहतूक, कृषी संबंधित सेवा, ई कॉमर्स, अधिकृत मीडिया, पेट्राेल पंप, पेट्राेलियम पदार्थ, डाक, शासकीय व खाजगी सुरक्षा सेवा, फळ विक्रेते
अत्यावश्यक सेवा असलेल्या दुकानांनी सामाजिक अंतर ठेवून, दुकानांसमोर अंतरासाठीच्या खुणा, ठरावीक अंतराने कोराेना चाचणी करून सकारात्मक अहवाल सोबत ठेवणे बंधनकारक आहे.
उत्पादन क्षेत्रही विविध अटींचे पालन केल्यास सुरू ठेवता येणार आहे. त्यासाठीच्या वेगळ्या अटी निर्गमित केल्या आहेत. बांधकामासाठीही अटीच्या अधिन राहून परवानगी दिली.
हॉटेल व रेस्टॉरंट
लॉजिंगच्या आतील आवारात असलेले रेस्टॉरंट आणि बार चालू राहतील व उर्वरित सर्व रेस्टॉरंट आणि बार बंद राहतील. फक्त पार्सल सेवा घरपोच देता येईल. लॉजमधील सोडून इतरांना तेथेच जेवणाची सेवा देता येणार नाही. सार्वजनिक ठिकाणी लागणाऱ्या गाड्यांनाही पार्सल सेवाच देता येणार आहे.
काय बंद राहणार
अत्यावश्यक सेवा वगळता इतर सर्व दुकाने, मॉल्स बंद राहतील. सिनेमा हॉल, नाट्यगृहे, प्रेक्षागृहे, सर्व धार्मिक स्थळे, केश कर्तनालय, स्पा, सलून, व्यायामशाळा, मनोरंजन पार्क, क्रीडा संकुले, जलतरण तलाव, ब्युटी पार्लर, शाळा आणि महाविद्यालेय बंद राहतील. मात्र दहावी व बारावीच्या विद्यार्थ्यांना यात सुट राहील. त्यांनी चाचणी निगेटिव्ह आल्याचा अहवाल सोबत ठेवणे आवश्यक राहील. धार्मिक उत्सव, यात्रा, राजकीय सभा, बैठका यांनाही बंदी आहे. सामाजिक, सांस्कृतिक कार्यक्रमांनाही परवानगी नाही.
लग्नसमारंभ ५० जणांत आटोपावा लागणार असून त्यासाठी परवानगी आवश्यक आहे. अंत्यविधीही २० जणांच्या उपस्थितीत उरकावा लागेल.
खाजगी वाहतुकीला नियमांचे बंधन
सार्वजनिक बस व्यवस्थेला आसन क्षमतेनुसार परवानगी देण्यात आली आहे. मात्र खाजगी वाहने व बससेवा सोमवार ते शुक्रवार सकाळी ७ ते रात्री ८ या वेळेत सुरु राहतील. तर अत्यावश्यक सेवेच्या उर्वरित कालावधीतही सुरू राहतील.यात बसण्याच्या क्षमतेएवढेच प्रवासी नेता येतील. उभे राहून जाता येणार नाही. ऑटो रिक्षात चालक व इतर दोन प्रवासी तर टॅक्सीमध्येचलक व आसनक्षमतेच्या ५० टक्केच प्रवासी नेता येणार आहेत.
बंद दुकानदारांनी हे करावे
सध्या बंद असलेल्या सर्व दुकान मालकांना त्यांच्याबरोबर काम करणऱ्या सर्व लोकांना केंद्र शासनाच्या निकषनुसार लसीकरण करण्यास तसेच पारदर्शक काच किंवा इतर साहित्याच्या, ग्राहकांशी सुसंवाद करण्यासाठी तसेच इलेक्ट्राॅनिक पेमेंट इत्यादी उपाययोजना करावी. जेणेकरून सरकार कोणतीही भीती न बाळगता हे पुन्हा सुरू करण्यास पसंती दर्शविल.