हिंगोली जिल्ह्यात अँटिजन चाचणीत २६२ पैकी २१ जण बाधित आढळून आले आहेत. यामध्ये हिंगोली परिसरात १२७ पैकी ३, वसमत परिसरात ३६ पैकी ३, कळमनुरी परिसरात ३० पैकी ३, सेनगाव परिसरात ५० पैकी ६, औंढा परिसरात १९ पैकी ६ असे रुग्ण आढळले आहेत. आरटीपीसीआर चाचणीत हिंगोली परिसरात ७९, वसमत परिसरात १४, कळमनुरी परिसरात २५, औंढा परिसरात १४, सेनगाव परिसरात १२ असे एकूण १४४ रुग्ण आढळून आले आहेत. बरे झाल्याने आज १९० जणांना घरी सोडले. यात हिंगोली जिल्हा सामान्य रुग्णालयातून ४६, लिंबाळा येथून १०, वसमत येथून २३, कळमनुरीतून ७९, औंढा येथून २६ तर सेनगावातून ६ जणांना घरी सोडण्यात आले आहे.
आजपर्यंत जिल्ह्यात १४ हजार ६२ रुग्ण आढळले. यापैकी १२ हजार ८७७ जण बरे झाल्याने त्यांना डिस्चार्ज दिला आहे. तर ९१० रुग्णांवर उपचार सुरू आहेत. यापैकी ३९६ जणांची प्रकृती गंभीर असल्याने त्यांना ऑक्सिजनवर ठेवण्यात आले आहे. तर ३६ जणांची प्रकृती अतिगंभीर असल्याने त्यांना बायपॅपवर ठेवण्यात आले आहे. एकूण ४३२ जणांची प्रकृती चिंताजनक आहे.
पाच जणांचा मृत्यू
हिंगोली येथील आयसोलेशन वाॅर्डात दाखल असलेल्या पाच रुग्णांचा कोरोनाने मृत्यू झाला. यात औंढा तालुक्यातील पोटा खु. येथील ५५ वर्षीय पुरुष, सेनगाव तालुक्यातील सिनगी नागा येथील ६० वर्षीय पुरुष, हिंगोली येथील प्रवीण नगरचा ६० वर्षीय पुरुष, पेडगाव येथील ६५ वर्षीय पुरुष तर खेर्डा येथील ५० वर्षीय महिलेचा मृत्यू झाला. एकूण मृत्यूची संख्या आता २७५ वर पोहोचली आहे.