- मयूर पठाडेतुम्ही रोज किती फिजिकल अॅक्टिव्हिटी करता? आणि किती एक्सरसाइज करता? मुळात फिजिकल अॅक्टिव्हिटी आणि एक्सरसाइज यातला फरक तुम्हाला माहीत आहे का? फिट राहायचं, तर तुम्हाला नेमकी कशाची गरज आहे? फिजिकल अॅक्टिव्हिटीची कि एक्सरसाइजची?फिजिकल अॅक्टिव्हिटी आणि एक्सरसाइज यात म्हटला तर बराच फरक आहे आणि म्हटलं तर फार थोडा.. पण आपल्या आरोग्यावर त्याचा होणारा परिणाम मात्र बऱ्यापैकी असतो.सोप्या शब्दांत सांगायचं तर फिजिकल अॅक्टिव्हिटी म्हणजे आपल्या स्रायुंचं आकुंचन. म्हणजे आपण कोणतीही कृती करीत असतो, तेव्हा होतं ते आपल्या स्रायूंचं आकुंचन. उदाहरणार्थ तुम्ही घरात काही काम करता आहात, घराचे जिने चढता आहात, बागकाम करता आहात, चालता आहात.. ही झाली तुमची फिजिकल अॅक्टिव्हिटी आणि त्यातून होतं ते स्रायूंचं आकुंचन.
तुम्ही जर दिवसभर नुसतं बसून राहात असाल तर त्यापेक्षा ही फिजिकल अॅक्टिव्हिटी केव्हाही चांगली. पण तुम्ही म्हणाल, दिवसभर मला घरात मरमर काम असतं, आॅफिसच्या कामासाठी मला खूप वणवण करावी लागते.. माझी फिजिकल अॅक्टिव्हिटी भरपूर आहे, मला व्यायामाची एक्सरसाइजची काय गरज?फिजिकल अॅक्टिव्हिटी आणि एक्सरसाइज या दोहोंचाही फायदा होतोच, पण त्याच त्याच स्वरुपाच्या फिजिकल अॅक्टिव्हिटीमुळे तुम्हाला त्रासही होऊ शकतो. कोणी म्हणेल, मला कंपनीत दिवसभर उभं राहावं लागतं, एखादी स्त्री म्हणेल, दिवसभर स्वयंपाकघरात आणि धुणी-भांडी करण्यातच माझा वेळ जातो. पार थकून जाते मी. या ठिकाणी शारीरिक श्रम आहेत, पण ते एकाच प्रकारचे, त्यामुळे त्याच्या अतिरेकामुळे तुम्हाला त्रासच होऊ शकतो.एक्सरसाइज, व्यायाम म्हणजे अशी कृती, जी तुम्ही ठरवून करता, फिटनेससाठी किंवा आरोग्यासाठी विशिष्ट प्रकारच्या फायद्यासाठी जाणूनबुजून करता. उदाहरणार्थ जिममध्ये जाणं, स्विमिंग, सायकलिंग, रनिंग, एखादा खेळ खेळणं.. अशा एक्सरसाइजचा फायदा फिजिकल अॅक्टिव्हिटीपेक्षा नेहमीच जास्त असतो.लक्षात ठेवा, तुमची फिजिकल अॅक्टिव्हिटी किती आहे, केवळ त्यावरच तुमचा फिटनेस अवलंबून नसतो. त्यासाठी खास व्यायामाचीच गरज असते.
तीव्रता किती?फिजिकल अॅक्टिव्हिटी आणि एक्सरसाइज यांची तीव्रता वेगवेगळी असते. कसं ओळखायचं हे?फिजिकल अॅक्टिव्हिटी करीत असताना सर्वसाधारणपणे आपण सहजपणे बोलूही शकतो. एक्सरसाइज करताना तुम्ही बोलूही शकत असाल तर तुमच्या व्यायामाची तीव्रता साधारणपणे मध्यम स्वरुपाची आहे. पण बोलताना तुम्हाला थांबावं लागत असेल, धाप ;लागत असेल, तर तुमच्या एक्सरसाइजची तीव्रता बऱ्यापैकी जास्त आहे. एक्सरसाइजचे फायदेएक्सरसाइजचे मुख्यत: चार फायदे आहेत.१- तुमच्या हृदयाची शक्ती वाढवणे.२- मसक्युलर स्ट्रेंग्थ वाढवणे.३- एन्ड्यूरन्स (सहनशक्ती) वाढवणे. ४- तुमची फ्लेक्जिबिलिटी (लवचिकता) वाढवणे.या गोष्टी फिजिकल अॅक्टिव्हिटीनं साध्य होतीलच असं नाही..