Health : ​ हे आहेत मिठाचे अन्य उपयोग !

आपण मिठाचा वापर फक्त अन्न पदार्थाची चव वाढविण्यासाठीच करतो. मात्र मिठाचे अन्य उपयोगही आहेत, हे आपणास कदाचित माहित नसेल. जाणून घेऊया मिठाचे अन्य फायदे...* पिवळे दात पांढरे शुभ्र करण्यासाठी एक चमचा मीठ आणि दोन चमचे बेकिंग सोडा एकत्र करून या मिश्रणाने दात घासावे. शिवाय यामुळे हिरड्यादेखील मजबूत होण्यास मदत होते. * घसा खराब झाल्यास मिठाच्या पाण्याने गुळण्या कराव्यात. त्यातील सूक्ष्मजीवविरोधी गुणधर्मामुळे घशाला आराम पडतो.* मधमाशी चावल्यास तो भाग ओला करून त्यावर मीठ लावल्यास वेदना कमी होतात.* शारीरिक थकवा घालविण्यासाठीही मिठ उपयुक्त आहे. यासाठी मिठाचे पाणी असलेल्या टबमध्ये थोडावेळ बसले तर संपूर्ण शरीराचा थकवा जातो व आराम मिळतो शिवाय थकल्याने पाय दुखत असल्यास मूठभर मीठ घातलेल्या गरम पाण्यात पाय बुडवून ठेवल्यास पायांना दुखणे बंद होते. * शरीरावरील मृत त्वचा काढण्यासाठी अंघोळीनंतर त्वचा ओली असताना कोरड्या मिठाने घासावी. यामुळे रक्ताभिसरणदेखील वाढते. हा मसाज झाल्यावर पुन्हा अंग पाण्याने स्वच्छ करावे.* डास किंवा किडा चावल्यास तो भाग प्रथम मिठाच्या पाण्यात बुडवावा आणि नंतर त्याजागी तूप आणि मीठ याचे मिश्रण लावावे. Also Read : ​मीठाला पर्याय ‘फिश सॉस’चा