३८ गावांत होणार सौर ऊर्जेतून पाणी पुरवठा

दुहेरी हँडपंप योजना व राष्ट्रीय ग्रामीण पेयजल योजनेंतर्गत जिल्ह्यातील ३८ गावांना सौर उर्जेच्या माध्यमातून आता पाणी पुरवठा करण्यात येणार आहे. जिल्हा परिषद ग्रामीण पाणी पुरवठा विभागाच्यावतीने

जिल्हा परिषदेचा उपक्रम : स्थायी समितीच्या सभेत घेतला निर्णयगोंदिया : दुहेरी हँडपंप योजना व राष्ट्रीय ग्रामीण पेयजल योजनेंतर्गत जिल्ह्यातील ३८ गावांना सौर उर्जेच्या माध्यमातून आता पाणी पुरवठा करण्यात येणार आहे. जिल्हा परिषद ग्रामीण पाणी पुरवठा विभागाच्यावतीने ही योजना राबविण्यात येणार असून ती क्रियान्वित करण्याचा निर्णय जिल्हा परिषद स्थायी समितीच्या बैठकीत घेण्यात आला आहे. स्वतंत्र पाणी पुरवठा योजना नसलेल्या गावांत या योजनेच्या माध्यमातून पाणी पुरवठा करण्याचा निर्णय जिल्हा परिषदेने घेतला आहे. या योजनेंतर्गत गावात तयार करण्यात आलेल्या बोरवेल जवळ पाच हजार लीटर क्षमतेची पाण्याची टाकी तयार केली जाणार आहे. सौर उर्जा पंपाच्या माध्यमातून बोरवेलचे पाणी या टाकीत पोचविले जाईल. तसेच १०० ते १५० मीटर पाईप लाईन टाकून परिसरात २४ तास पाणी पुरवठा केला जाणार आहे. विशेष म्हणजे यासाठी ज्या एजेंसीला सौर उर्जा यंत्र लावण्याचे काम सोपविले जाईल तीच एजेंसी पुढील पाच वर्षे यंत्राची देखभाल व दुरूस्तीची जबाबदारी घेणार आहे. या योजनेंतर्गत एका योजनेतून ग्रामीण भागातील सुमारे ३० ते ५० परिवारांना पिण्याच्या पाण्याचा २४ तास पुरवठा होऊ शकेल. तर या सौर उर्जा योजनेमुळे बिजेची बचत होणार ही महत्वाची बाब आहे. एका योजनेवर सुमारे पाच लाख रूपयांचा खर्च येणार असून जिल्हा परिषद ग्रामीण पाणी पुरवठा विभागाच्या माध्यमातून हि योजना कार्यान्वीत केली जाणार आहे. या योजनेमुळे ग्रामीण भागात निर्माण होणाऱ्या पाण्याच्या पाण्याच्या समस्येचे पुष्कळ प्रमाणात निराकरण होणार आहे. सौर उर्जेवर आधारीत या योजनेंतर्गत यावर्षी गोंदिया तालुक्यातील छिपीया, तेढवा व झिलमीली, आमगाव तालुक्यातील ग्राम बोथली, घाटटेमनी व माल्ही, अर्जुनी मोरगाव तालुक्यातील ग्राम सोमलपूर व तिडका, देवरी तालुक्यातील आमगाव, ढिवरीनटोली, जेठभावडा, मगरडोह, मुल्ला, पिपरखारी व पुराडा, गोरेगाव तालुक्यातील पालेवाडा, सडक अर्जुनी तालुक्यातील कोहळीटोला, कोसमतोंडी व मुंडीपार, सालेकसा तालुक्यातील बाम्हणी, कुलरभट्टी, नवेगाव, पाथरी, पिपरिया व तिरखेडी, तिरोडा तालुक्यातील गुमाधावडा, मंगेझरी व सर्रा येथे हि योजना कार्यान्वीत केली जाणार आहे. शिवाय राष्ट्रीय ग्रामीण पाणी पुरवठा योजना २०१४-१५ अंतर्गत सालेकसा तालुक्यातील ग्राम भजेपार, पाऊलदौना, बिजेपार, आमगाव खुर्द, गोरेगाव तालुक्यातील खाडीपार व डव्वा, सडक अर्जुनी तालुक्यातील सौंदड, गोंदिया तालुक्यातील चंगेरा, तिरोडा तालुक्यातील घाटकुरोडा व मुरपार येथे सुद्धा ही योजना सुरू केली जाणार आहे. (शहर प्रतिनिधी)