गोंदिया : सध्या मोबाइल हा जीवनातील अविभाज्य अंग बनला असून सकाळी उठल्यापासून रात्री झोपेपर्यंत मोबाइल हातातून सुटेनासा झाला आहे. मोबाइलचा हा अति वापर मात्र गाडी चालविताना जीवघेणा ठरत आहे. यामध्ये मोबाइलवर बोलणाऱ्यामुळे मात्र समोरच्या व्यक्तीलाही त्याची किंमत मोजावी लागत आहे. मोबाइलवर बोलून गाडी चालवीत असल्यामुळे कित्येक अपघात घडत असून यामध्ये जीवही जात आहे.
--------------------------------
१) २०२० मध्ये झालेले अपघात
अपघात जखमी मृत्यू
दुचाकी - १०६ ९१ ६९
चारचाकी - ८४ १२० ५२
२) या वर्षात केलेला दंड
प्रकरणे दंड
वाहन चालविताना मोबाइलचा वापर - -- --
विना हेल्मेट - ६७ ३३५००
सिग्नल तोडणे - १८२ ३६४००
प्रेशर हॉर्न - -- --
ओव्हरलोड - -- --
वायू प्रदूषण - -- --
-----------------------------
हेल्मेट नसल्याने ९० टक्के मृत्यू
सर्वांत जास्त अपघातांचे प्रमाण दुचाकी वाहनांचे असून यामध्ये मोठ्या प्रमाणात लोकांचा जीव जातो. विशेष म्हणजे, जिल्ह्यात घडलेल्या अपघाती मृत्यूंच्या प्रकरणांचा अभ्यास केला असता त्यामध्ये ८५ ते ९० टक्के लोकांचा जीव हेल्मेट नसल्यामुळे गेल्याचे निष्पन्न झाले आहे. शहरातील कोणत्याही भागावर जखम झाल्यास व्यक्तीचा जीव वाचविता येतो. मात्र, डोक्यावर मार लागल्यावर त्याचे प्रमाण कमी असते, अशाच अपघाती मृत्यूंचे प्रमाण जास्त असल्याचे वाहतूक निरीक्षक दिनेश तायडे यांनी सांगितले.
---------------------------
कोरोनामुळे ब्रेथ ॲनालायझरचा वापर बंद
मागील वर्षी मार्च महिन्यापासून कोरोनाचा कहर सुरू झाला आहे. अशात ब्रेथ ॲनालायझरचा वापर बंद करावा लागला आहे. कोरोना हा संसर्गजन्य आजार असून ब्रेथ ॲनालायझरमध्ये फुंकर मारूनच समोरच्या व्यक्तीने मद्यप्राशन केले की नाही, हे तपासले जाते. हा प्रकार कोरोना संसर्ग पसरविणारा ठरू शकत असल्याने ब्रेथ ॲनालायझरचा वापर बंद आहे.