वीज व्यवस्थेचे बळकटीकरण

दर्जेदार व अखंडित सेवा देण्यासाठी महावितरणने दीनदयाल ग्राम ज्योती योजनेतून हे काम सुरू केले असून यासाठी ९६.०८ कोटींचा मंजूर करण्यात आला आहे.

ठळक मुद्देदीनदयाल ग्राम ज्योती योजना : उपकेंद्र, क्षमतावाढ, वाहिन्यांचा समावेश

कपिल केकत।लोकमत न्यूज नेटवर्कगोंदिया : दर्जेदार व अखंडित सेवा देण्यासाठी महावितरणने दीनदयाल ग्राम ज्योती योजनेतून हे काम सुरू केले असून यासाठी ९६.०८ कोटींचा मंजूर करण्यात आला आहे.दिवसेंदिवस वाढत चाललेली वीजेची मागणी लक्षात घेता भविष्यात सध्याची यंत्रणा कमकुवत पडून त्याचा फटका ग्राहकांना सहन करावा लागणार आहे. त्यामुळे यावर तोडगा म्हणून आतापासूनच आपण सज्ज रहावे या उद्देशातून महावितरणने वीज व्यवस्थेच्या बळकटीकरणाचे काम होती घेतले आहे. वाढती लोकसंख्या, त्यानुसार वाढते क्षेत्रफळ व वाढत चाललेली विजेची मागणी यामुळे आजची यंत्रणा एवढा भार सहन करण्यात कोठेतरी कमी पडू लागली आहे. अशात कित्येकदा वीज पुरवठा खंडित होणे यासह अन्य काही समस्या निर्माण होतात. सर्वसामान्य माणसाला वीज वितरणातील या समस्यांबाबत माहिती नसते. मात्र आज असलेल्या व्यवस्थेवर वाढत चाललेला भार या मागचे कारण ठरत आहे.अशात ग्राहकांना अखंडित व दर्जेदार सुविधा देण्यासाठी महावितरणने भविष्यातील बदलती परिस्थिती लक्षात घेत आतापासूनच वीज व्यवस्थेच्या बळकटीकरणासाठी सुरूवात केली आहे.यासाठी गोंदियाला दीनदयाल ग्राम ज्योती योजनेतून ९६.०८ कोटींचा निधी देण्यात आला आहे.या योजनेतून महावितरण भविष्यातील चित्राचा अंदाज बांधून त्यानुसार आजच्या व्यवस्थेत आवश्यक ते बदल करवून घेत उद्यासाठी त्यांना सज्ज करीत आहेत.यात विविध प्रकारच्या कामांचा समावेश असून ही कामे होणार असल्याने उद्याच्या परिस्थितीसाठी वीज वितरण कंपनी तत्पर राहणार आहे.त्यांच्या घरात येणार ‘ज्योती’आजही ज्याच्या घरात वीज पोहोचलेली नाही अशा दारिद्र्य रेषेखालील कुटुंबांना त्यांच्या हक्काचे कनेक्शन देण्याची तरतूद दीनदयाल ग्राम ज्योती योजनेत करण्यात आली आहे. आजही कित्येक कुटुंबांची कनेक्शन घेण्याची परिस्थिती नसल्याने ते अंधारातच आपले जीवन जगत आहेत. मात्र त्यांच्याही घरात वीजेचा प्रकाश व्हावा हे या योजनेचे उद्दिष्ट आहे. यासाठी जिल्ह्याला १७ हजार ३८७ कनेक्शनचे टार्गेट देण्यात आले आहे. यात संबंधित लाभार्थी कुटुंबाला पूर्ण फिटिंग करून दिली जाणार आहे. यासाठी त्याला एकही रूपया खर्च करावयाचा नसून हे संपूर्ण काम वीज वितरण कंपनी करून देणार आहे.वाहिन्यांचे विलगीकरणया योजनेंतर्गत वाहिन्यांचे विलगीकरण केले जाणार असून यात १३०८.५४ कीमी. उच्चदाब व २१०.१ किमी.लघुदाब वाहिनीची तरतूद करण्यात आली आहे. शिवाय ३८७ विद्युतरोहीत्रांचीही तरतूद करण्यात आली आहे.उपकेंद्रांची क्षमतावाढआजघडीला ज्या उपकेंद्रांवर जास्त भार येत आहे अशा उपकेंद्रांची क्षमतावाढ या योजनेंतर्गत केली जाणार आहे. यामध्ये तिरोडा तालुक्यातील परसवाडा व एकोडी, अर्जुनी-मोरगाव तालुक्यातील केशोरी व देवरी तालुक्यातील देवरी येथीलच उपकेंद्राची क्षमता वाढविली जाणार आहे. सध्या हे केंद्र ५ एमव्हीए क्षमतेचे असून ते त्यांची १० एमव्हीए पर्यंत क्षमता वाढविली जाणार व हे काम सुरू आहे.आठ उपकेंद्रांना मंजुरीया योजनेंतर्गत जिल्ह्यात आठ नवीन उपकेंद्र मंजूर करण्यात आले आहेत. यात, गोंदिया तालुक्यात मुंडीपार व काटी, गोरेगाव तालुक्यात मोहाडी, तिरोडा तालुक्यात मुंडीकोटा (मेंढा), देवरी तालुक्यात मुल्ला, सडक-अर्जुनी तालुक्यात खोबा, आमगाव तालुक्यात ठाणा तर सालेकसा तालुक्यात तिरखेडी येथे हे उपकेंद्र तयार केले जाणार आहेत. यासाठी निविदा प्रक्रिया झाली असून कार्यादेश देण्यात आले आहेत. तर मोहाडी व मुल्ला येथील काम सुरू आहे.