देवरी : तालुक्यातील सामूहिक वनहक्क परीक्षेत्र पालांदूर जमी अंतर्गत येणाऱ्या सर्व गावातील वनहक्क समितीची सभा घोनाडी येथे गुरूवारी सामूहिक वनहक्क या विषयावर आयोजित करण्यात आली होती.
सभेच्या अध्यक्षस्थानी आमदार सहषराम कोरोटे हे होते. याप्रसंगी सभेत सरपंच तथा वनसमितीचे अध्यक्ष सोनू नेताम, सरपंच तथा मगरडोहाचे अध्यक्ष देवविलास भोगारे, पालांदूर जमीचे अध्यक्ष गजानन भोयर, गरार टोलाचे अध्यक्ष तुलाराम राऊत, पळसगावचे अध्यक्ष उमेश बागडेरीया, पळसगावचे सरपंच फुलवंताबाई बागडेरीया, रोपायी सरपंच लीलाबाई मुंदी, उपसरपंच कुंतीबाई माहुर्ले, पळसगावचे पोलीस पाटील गोपाल कुरसुंगे, चुंभलीच विजय पुराम, टेकरीचे राजकुमार चौधरी यांच्यासह सामूहिक वनहक्क समितीचे इतर पदाधिकारी, सरपंच व सदस्य आणि गावकरी प्रामुख्याने उपस्थित होते. या सभेत आ. सहषराम कोरोटे यांनी वनहक्क परीक्षेत्रातील भेडसावणाऱ्या समस्यांवर चर्चा करून तुमच्या सर्व समस्या मार्गी लावण्याचे आश्वासन दिले.