लोकमत न्यूज नेटवर्कगोंदिया : भारतरत्न अटलबिहारी वाजपेयी यांच्या जयंतीनिमित्त भारतीय जनता पार्टीतर्फे ११ किमी अंतराची मॅराथॉन दौड स्पर्धेचे आयोजन मंगळवारी सकाळी ६ वाजता शहरात मुर्री चौकी ते कालेखॉ चौक मार्गावर करण्यात आले होते. स्पर्धेत जिल्ह्यातील शेकडो युवक-युवतींनी कडाक्याच्या थंडीतही उत्साहात सहभाग घेतला.भाजपा जिल्हाध्यक्ष हेमंत पटले यांच्या अध्यक्षतेखाली आ.डॉ. परिणय फुके यांनी भाजपाची झेंडी दाखवून मॅराथॉनला सुरूवात केली. यानंतर विजेत्या धावकांना पारितोषिक वितरण करण्यात आले.या वेळी नगराध्यक्ष अशोक इंगळे, भंडारा-गोंदिया लोकसभा संघटन महामंत्री विरेंद्र अंजनकर, प्रदेश कार्यकारिणी सदस्य विनोद अग्रवाल, माजी जि.प. अध्यक्ष नेतराम कटरे, शिव शर्मा, भाजयुमो जिल्हाध्यक्ष पंकज रहांगडाले, शहर अध्यक्ष सुनील केलनका, घनशाम पानतावने, भरत क्षत्रीय, कशिश जायस्वाल, नंदकुमार बिसेन, प्रदिपसिंग ठाकूर, दीपक कदम, संजय कुळकर्णी, नगरसेवक राजकुमार कुथे,वर्षा खरोले, अफसाना पठाण, विवेक मिश्रा, अभय सावंत यांच्या हस्ते विजेत्या स्पर्धेकांना पुरस्कार वितरण करण्यात आले. प्रास्ताविक ॠषीकांत शाहू यांनी मांडले.युवक गटात प्रथम पुरस्कार सुभाष लिल्हारे, व्दितीय गुरुदेव दमाहे, तृतीय आशिष नागपुरे तसेच चतुर्थ व दहा क्रमांकामध्ये अनुक्र मे देवेंद्र चिखलोंडे, विजय पंधराम, आकाश भोयर, गणेश शेंडे, संदिप चौधरी, उमेश भांडारकर, महेंद्र मुरकुटे तर युवतींच्या गटात प्रथम पुरस्कार पूजा बिसेन, व्दितीय स्वाती पाचे, तृतीय विशाखा पागोटे, चतुर्थ रिया तुप्पट तर दहा क्र मांकामध्ये अनुक्र मे डिलेश्वरी कटरे, सीमा टेंभरे, संतोष लिल्हारे, सविता नागपुरे, ज्योती नागपुरे, सोनल ताखंडे यांनी पटकाविला.या स्पर्धेत चतुर्थ क्रमांकावर येणारी रिया तुप्पट ही १० वर्षाची असून पायात काहीही न घालता धावत विजयी झाली.या वेळी उपस्थित मान्यवरांनी तिचे कौतुक केले. स्पर्धेच्या यशस्वीतेसाठी संयोजक बंटी पंचबुध्दे, सुधीर कायरकर, हंसू वासनिक, दारा बैरीसाल, राजू पटले, पंकज सोनवाने, अभय मानकर, रोहीत अग्रवाल, अजीत टेंभरे, अनुराग शुक्ला, राहूल यादव यांनी सहकार्य केले.
अटल मॅरेथॉन स्पर्धेत धावले शेकडो युवक-युवती
By लोकमत न्यूज नेटवर्क | Updated: December 26, 2018 21:40 IST