देवानंद शहारे गोंदियाजिल्ह्याच्या आरोग्य विभागात अधिकारी व कर्मचाऱ्यांची शेकडो पदे मंजूर असताना ती अद्याप भरण्यात आलेली नाहीत. त्यामुळे जिल्ह्यातील १४ लाख नागरिकांच्या आरोग्य सेवेचा भार तोकड्या अधिकारी व कर्मचाऱ्यांवर पडत आहे. यात जिल्हा शल्यचिकित्सकांच्या अधिकार क्षेत्रांतर्गत एकूण ३६३ पदे तर जिल्हा आरोग्य अधिकाऱ्यांच्या अधिकारांतर्गत येणाऱ्या भागात १०३ अधिकारी व कर्मचाऱ्यांची पदे रिक्त आहेत.जिल्ह्यातील केटीएस, बीजीडब्ल्यू व सर्व ग्रामीण रूग्णालयात अधिकारी व कर्मचाऱ्यांची एकूण ९११ पदे मंजूर आहेत. त्यापैकी केवळ ५४८ पदे भरलेली आहेत. विशेष म्हणजे सर्व ग्रामीण रुग्णालयात वर्ग-१ अधिकाऱ्यांचे प्रत्येकी एक पद मंजूर आहे. मात्र सर्वच रुग्णालयात ते पद रिक्त आहे.जिल्हा सामान्य रूग्णालयात वर्ग-१ ची १८ मंजूर आहेत. त्यापैकी ११ पदे रिक्त आहेत. याशिवाय वर्ग-२ ची ४ पदे, वर्ग-३ ची ९० पदे आणि वर्ग-४ ची ७८ पदे रिक्त आहेत. जिल्हा क्षयरोग केंद्रांतर्गत वर्ग-१ व वर्ग-२ चे प्रत्येकी एक पद मंजूर असून ते दोन्ही रिक्त आहेत. वर्ग-३ ची ३ आणि वर्ग-४ ची ८ पदे रिक्त आहेत. जिल्ह्यातील एकमेव सरकारी महिला व बाल रूग्णालय असलेल्या बाई गंगाबाई रुणालयात वर्ग-१ ची ५ पैकी २ पदे रिक्त आहेत. वर्ग-२ चे एक पद, वर्ग-३ ची ४१ पदे रिक्त व वर्ग-४ ची ३० पदे रिक्त आहेत. तिरोडा उपजिल्हा रूग्णालयात वर्ग-३ ची ४ पदे रिक्त आणि वर्ग-४ ची ३ पदे रिक्त आहेत. देवरी ग्रामीण रूग्णालयात वर्ग-३ ची २ पदे व वर्ग-४ ची ४ पदे रिक्त आहेत. चिचगड ग्रामीण रूग्णालयात वर्ग-३ ची २ पदे आणि वर्ग-४ ची ३ पदे रिक्त आहेत. अर्जुनी/मोरगाव ग्रामीण रूग्णालयात वर्ग-२ चे एक पद, वर्ग-३ ची ४ पदे आणि वर्ग-४ ची ३ पदे रिक्त आहेत. नवेगावबांध ग्रामीण रूग्णालयात वर्ग-२ चे एक पद, वर्ग-३ ची ५ पदे आणि वर्ग-४ ची ३ पदे रिक्त आहेत. सडक/अर्जुनी ग्रामीण रूग्णालयात वर्ग-३ ची ५ पदे तर वर्ग-४ ची ४ पदे रिक्त आहेत. सालेकसा ग्रामीण रूग्णालयात वर्ग-३ ची ४ पदे व वर्ग-४ ची ४ पदे रिक्त आहेत. आमगाव ग्रामीण रूग्णालयात वर्ग-४ ची ३ पदे रिक्त आहेत. गोरेगाव ग्रामीण रूग्णालयात वर्ग-२ चे एक तर वर्ग-३ चे एक पद रिक्त आहे. रजेगाव ग्रामीण रूग्णालयात वर्ग-२ चे एक पद, वर्ग-३ ची ५ पदे आणि वर्ग-४ ची ३ पदे रिक्त आहेत. सौंदड ग्रामीण रूग्णालयात वर्ग-३ ची १० पदे रिक्त आणि वर्ग-४ ची ६ पदे रिक्त आहेत.ग्रामीण क्षेत्रांतर्गत रिक्त असलेली पदेजिल्हा आरोग्य अधिकाऱ्यांच्या अधिकार क्षेत्रांतर्गत येणाऱ्या जिल्हा परिषदेच्या सर्व प्राथमिक आरोग्य केंद्रांतर्गत अधिकारी व कर्मचाऱ्यांची एकूण १०३ पदे रिक्त आहेत. यात वर्ग-१ चे अतिरिक्त जिल्हा आरोग्य अधिकाऱ्यांचे एक पद, जिल्हा क्षयरोग अधिकाऱ्यांची दोन पदे व एडीएचएसची (कुष्ठरोग) तीन पदे रिक्त आहेत. वर्ग-२ ची ७१ पदे मंजूर असून ६४ पदे भरली तर सात पदे रिक्त आहेत. वर्ग-२ च्या गट ब मध्ये ५२ पैकी एक पद रिक्त आहे. आरोग्य पर्यवेक्षकांची १७ पैकी ४ पदे रिक्त, आरोग्य सहायकांची (पुरूष) ६४ पैकी ३ पदे, आरोग्य सहायक (महिला) ४० पैकी ३ पदे, एमपीडब्ल्यू (पुरूष) १६६ पैकी २९ पदे, एमपीडब्ल्यू (महिला) २८२ पैकी ४४ पदे रिक्त आहेत. तसेच औषध निर्मात्यांची ४५ पदे मंजूर असून ४ पदे रिक्त, तथा आशा स्वयंसेविकांची १,००१ पदे मंजूर असून ३ पदे रिक्त आहेत.
आरोग्य विभाग झाला पांगळा
By admin | Updated: December 18, 2014 01:19 IST