स्को: जयरामनगर, दाबोळी येथील एसन होरीजन फेस २ इमारतीच्या आठव्या मजल्यावरून खाली कोसळून एका २६ वर्षीय तरुण कामगाराचा मृत्यू झाला. आठव्या मजल्यावरून खाली जमिनीवर कोसळून जागीच ठार झालेल्या कामगाराचे नाव आकीब राजा असे असल्याची माहिती पोलिसांकडून मिळाली.
वास्को पोलिसांनी दिलेल्या माहितीनुसार गुरूवारी (दि.२१) संध्याकाळी ४.३० वाजता ती घटना घडली. आकीब राजा अन्य एका कामगाराबरोबर ‘एसन होरीजन फेस २’ कॉलनीतील ‘बी ब्लोक’ मध्ये असलेल्या इमारतीतील आठव्या मजल्यावरील एका फ्लॅटच्या देखभालीच्या कामासाठी आला होता. फ्लॅटबाहेरील परिसरात देखभालीचे काम करण्यासाठी आकीबने प्लास्टीक पत्र्यावर पाय ठेवला असता तो पत्रा तुटून आकीब आठव्या मजल्यावरून थेट तळ मजल्यावरील जमनिवर कोसळला. आकीब आठव्या मजल्यावरून खाली कोसळल्याने जागीच ठार झाल्याची माहीती पोलीसांनी दिली.
इमारतीवरून खाली कोसळून मरण पावलेला आकीब मूळ उत्तरप्रदेश येथील असून कामा निमित्ताने काही काळापासून तो वेळसांव येथे भाड्याच्या खोलीत रहायचा. वास्को पोलीसांना घटनेची माहीती मिळताच त्वरित घटनास्थळावर धाव घेतली. मयत आकीब याच्या मृतदेहावर पंचनामा करून नंतर मृतदेह मडगाव येथील दक्षिण जिल्हा इस्पितळाच्या शवगृहात पाठवून दिला. वास्को पोलीस स्थानकाचे निरीक्षक कपील नायक यांच्या मार्गदर्शनाखाली पोलीस उपनिरीक्षक रोहन मडगावकर अधिक तपास करीत आहेत.