गोव्यात वाघिणीचा वृध्दापकाळाने मृत्यू

बोंडला येथील अभयारण्यातील ‘संध्या ’नावाने ओळखली जाणा:या वाघिणीचे बुधवारी सकाळी वृध्दापकाळाने निधन झाले.

ऑनलाइन लोकमत

फोंडा, दि. 28 -  बोंडला येथील अभयारण्यातील ‘संध्या ’नावाने ओळखली जाणा:या वाघिणीचे बुधवारी सकाळी वृध्दापकाळाने निधन झाले. तिला 2009 साली गोव्यातील बोंडला अभयारण्यात आणले होते. वन खात्याचे अधिका-यांच्या उपस्थितीत अभयारण्यात अंत्यसंस्कार केले. 

अभयारण्य अधिका:याकडून मिळालेल्या माहितीनुसार संध्याचा जन्म 1 फेब्रुवारी 2003 मध्ये विशाखापट्टणम् येथे झाला. संध्या ही 14 वर्षे 4  महिने आयुष्य जगली. 2009 साली सात वर्षाची असताना तिला इंदिरा गांधी जिओलॉजिकल पार्क विशाखापट्टणम् येथून बोंडला-गोवा येथील  अभयारण्यात आणले होते. काही दिवसांपासून तिने मांसाहार घेणे बंद केले होते. त्यामुळे तिच्यावर उपचार सुरू होते.