पणजी/मडगाव : राज्यातील अकरापैकी काही नगरपालिकांचे नगराध्यक्ष व उपनगराध्यक्षांची बुधवारी बिनविरोध निवड होणार आहे. नगराध्यक्ष, उपनगराध्यक्षपदासाठी उमेदवारी अर्ज सादर करण्याकरिता बुधवारी मुदत संपत आहे. निवडणूक गुरुवार, दि. ५ रोजी होणार आहे. काणकोण वगळता बहुतेक पालिकांचे नगराध्यक्ष व उपनगराध्यक्ष ठरले आहेत. केपे नगराध्यक्षपदासाठी फिलू डिकॉस्ता, तर उपनगराध्यक्ष म्हणून पावलू फर्नांडिस यांची नावे निश्चित झाली आहेत. बुधवारी या संदर्भात अधिकृत घोषणा होण्याची शक्यता आहे. मंगळवारी केपेतील काँग्रेसप्रणित आघाडीच्या ९ नगरसेवकांची आमदार बाबू कवळेकर यांच्यासोबत बैठक झाली. या बैठकीत या दोन नावांवर शिक्कामोर्तब करण्यात आले. केपे पालिकेतील ११ जागांपैकी ९ जागा कवळेकर समर्थकांनी जिंकल्या आहेत.
काही नगराध्यक्षांची आज बिनविरोध निवड
By admin | Updated: November 4, 2015 02:19 IST