पंकज शेट्ये, लोकमत न्यूज नेटवर्क, वास्को: एके वेळेचे मित्र, मात्र त्यांच्यात वैमनस्य निर्माण झाल्यानंतर रविवारी (दि.६) नवेवाडे येथे राहणाºया मेहबूब शेख आणि अँथनी फर्नांडीस या तरुणात भांडण निर्माण झाल्यानंतर अँथनीने मेहबूबच्या छातीत सुरा भोसकल्याने त्याचा जागीच मृत्यू झाला. नवेवाडे येथील एकाच चाळीत (हाऊझींग बोर्ड कॉलनी) राहणाºया मेहबूब अणि अँथनी यांच्यात काही वर्षापूर्वी वैमनस्य निर्माण झाल्यानंतर त्यांच्यात अनेकवेळा मारामारी, बाचाबाची असे प्रकार घडलेले आहेत. रविवारी नवेवाडे येथील संतोषी माता मंदिराच्या बाजूतील परिसरात अॅथनी आणि मैहबूब यांच्यात पुन्हा बाचाबाची होण्यास सुरवात झाल्यानंतर तेथे असलेल्या लोकांनी त्यांना अडवण्याचा प्रयत्न केला. मात्र मेहबूब यांने क्रीकेट बॅट तर अॅथनी यांने सुरा घेऊन मारामारी सुरू केल्यानंतर अॅथनीने मेहबूबच्या छातीत सुरा भोसकल्यानंतर त्याचा जागीच मृत्यू झाल्याची माहीती प्राप्त झाली.
वास्को पोलीसांकडून मिळालेल्या माहितीनुसार रविवारी संध्याकाळी ३.२० च्या सुमारा खूनाचा तो प्रकार घडला. नवेवाडे येथील चाळीत राहणाऱ्या अॅथनी फर्नांडीस (वय २२) आणि मैहबूब शेख यांच्यात काही कारणावरून बऱ्याच वर्षापासून वैमानस्य होते. पूर्व वैमनस्यातून त्यांच्यात यापूर्वी अनेकवेळा बाचाबाची, भांडणे घडल्याची माहीती काही सूत्रांकडून प्राप्त झाली. रविवारी दुपारी ते दोघेही एका परिसरातून जाताना त्यांच्यात प्रथम बाचाबाची झाली. त्यानंतर नवेवाडे येथील चाळ आणि संतोषी माता मंदिर जवळ असलेल्या एका परिसरात त्यांच्यात पुन्हा बाचाबाची होऊन त्याचे परिवर्तन भांडणात झाले. तेथे असलेल्या काही लोकांनी त्यांना भांडण करण्यापासून रोखण्याचा प्रयत्न केला. मात्र मेहबूब क्रीकेट बॅट तर अॅथनी सुरा घेऊन आल्यानंतर दोघात मारामारी होण्यास सुरवात होऊन अॅथनीने मेहबूबच्या छातीत सुरा भोसकला. मेबहूहच्या छातीत सुरा भोसकल्यानंतर त्याच्या छातीतून रक्तस्त्राव होण्यास सुरवात होऊन तो खाली जमनिवर कोसळला. रक्ताच्या थारोळ्यात जमनिवर कोसळलेल्या मेहबूबला त्वरित चिखलीच्या उपजिल्हा इस्पितळात नेण्यात आले.
मात्र तेथे आणण्यापूर्वीच त्याचा मृत्यू झाल्याचे डॉक्टरांनी घोषित केले. वास्को पोलीसांना घटनेची माहीती मिळताच त्यांनी त्वरित घटनास्थळावर दाखल होऊन चौकशीला सुरवात केली. तसेच सुरा भोसकून मेहबूबचा खून केलेल्या अँथनी याला पोलीसांनी ताब्यात घेऊन नंतर रात्री त्याला अटक केल्याची माहीती प्राप्त झाली. नवेवाडे येथे अँथनी आणि मेहबूब यांच्यात झालेल्या भांडणात अँथनी याच्या चेहºयाला आणि पायाला जखमा झाल्याची माहीती पोलीसांकडून मिळाली. रविवारी भरसंध्याकाळी घडलेल्या ह्या खूनाच्या घटनेमुळे नवेवाडे आणि इतर परिसरात प्रचंड खळबळ उडाली. खून झालेला मेहबूब त्याच्या वडीलाच्या सूतारकामाच्या व्यवसायात त्यांना मदत करायचा अशी माहीती प्राप्त झाली तर अँथनी हा खासगी वाहनावर चालक म्हणून तर काहीवेळा अन्य काम करायचा. मेहबूब याचा खून झाल्यानंतर त्याचा मृतदेह चिखली उपजिल्हा इस्पितळात नेण्यात आला असता तेथे मेहबूब याच्या नातेवाईक, मित्रमंडळीनी बरीच गर्दी केल्याचे दिसून आले. तसेच खून झालेल्या ठीकाणी लोकांनी गर्दी करण्यास सुरवात केली असता पोलीसांनी लोकांना तेथून हटवून गर्दी दूर केली.
पोलीस उपअधीक्षक सलीम शेख आणि वास्को पोलीस निरीक्षक कपील नायक यांना खूनाची माहीती मिळताच त्यांनी घटनास्थळावर दाखल होऊन त्वरित चौकशीला सुरवात केली. तसेच पोलीस निरीक्षक कपील नायक यांच्या मार्गदर्शनाखाली घटनास्थळाचा पंचनामा करण्यात आला. वास्को पोलीस त्या खून प्रकरणाचा अधिक तपास करित आहेत.