खाण उद्योगासमोर नवी समस्या

खाण उद्योगासमोर नवी समस्या

पणजी : गेल्या दोन वर्षांत आंतरराष्ट्रीय बाजारपेठेत खनिजाची किंमत ५० टक्क्यांनी कमी झाली आहे. किंमत घटण्याचे सत्र सुरू राहणे ही राज्याच्या खाण उद्योगासमोरील आणखी एक समस्या मानली जात आहे. गेल्या एका महिन्यात खनिज मालाचा दर आंतरराष्ट्रीय बाजारपेठेत प्रती टनामागे १९ डॉलरने कमी झाला. एका महिन्यात दर एवढा खाली कधीच आला नव्हता, असे खाण व्यावसायिकांचे म्हणणे आहे. गोव्याच्या ५६ प्रतीच्या खनिज मालाला दोन वर्षांपूर्वी १२५ डॉलरचा भाव होता. हे प्रमाण आता ६० डॉलरांवर आले आहे. चीनच्या बाजारपेठेत आता खनिज मालाला मागणी कमी झाली आहे. तसेच ब्राझिल व आॅस्ट्रेलियामधून मोठ्या प्रमाणात खनिज मालाचा पुरवठा होत आहे. यामुळे आंतरराष्ट्रीय बाजारात या मालाची किंमत घटली असावी, असे मानले जात आहे. ६२ प्रतीच्या खनिज मालाची किंमत आता ८० डॉलर आहे. गोव्यात मात्र कमी प्रतीचा (५६) खनिज माल तयार होतो. यापुढे ३० टक्के निर्यात कर, विक्रीतून १० टक्के कायमस्वरूपी खनिज निधी, १० टक्के रॉयल्टी, आॅपरेटिंग कॉस्ट व खनिज लिज नूतनीकरणासाठी भरावयाची स्टॅम्प ड्युटी हे सगळे खर्च जमेस धरले, तर यापुढे खाणमालक हजारो कोटींचा नफा कमावू शकणार नाहीत, अशी चर्चा व्यावसायिकांत सुरू आहे. पर्यावरणप्रेमींकडून याचे स्वागत केले जात आहे. खनिज व्यवसाय कुठे तरी नियंत्रणात यायला हवा. अन्यथा लोभापोटी खाणमालक अमर्याद उत्पादन करत जातील, असे पर्यावरणप्रेमींना वाटते. खनिजमालक होण्याऐवजी निर्यातदार होणे यापुढे चांगले; कारण निर्यातदार टनामागे ३ डॉलरांपेक्षा जास्त पैसे कमवू शकेल, असेही खाण व्यावसायिकांचे म्हणणे आहे. (खास प्रतिनिधी) पणजी : गेल्या दोन वर्षांत आंतरराष्ट्रीय बाजारपेठेत खनिजाची किंमत ५० टक्क्यांनी कमी झाली आहे. किंमत घटण्याचे सत्र सुरू राहणे ही राज्याच्या खाण उद्योगासमोरील आणखी एक समस्या मानली जात आहे. गेल्या एका महिन्यात खनिज मालाचा दर आंतरराष्ट्रीय बाजारपेठेत प्रती टनामागे १९ डॉलरने कमी झाला. एका महिन्यात दर एवढा खाली कधीच आला नव्हता, असे खाण व्यावसायिकांचे म्हणणे आहे. गोव्याच्या ५६ प्रतीच्या खनिज मालाला दोन वर्षांपूर्वी १२५ डॉलरचा भाव होता. हे प्रमाण आता ६० डॉलरांवर आले आहे. चीनच्या बाजारपेठेत आता खनिज मालाला मागणी कमी झाली आहे. तसेच ब्राझिल व आॅस्ट्रेलियामधून मोठ्या प्रमाणात खनिज मालाचा पुरवठा होत आहे. यामुळे आंतरराष्ट्रीय बाजारात या मालाची किंमत घटली असावी, असे मानले जात आहे. ६२ प्रतीच्या खनिज मालाची किंमत आता ८० डॉलर आहे. गोव्यात मात्र कमी प्रतीचा (५६) खनिज माल तयार होतो. यापुढे ३० टक्के निर्यात कर, विक्रीतून १० टक्के कायमस्वरूपी खनिज निधी, १० टक्के रॉयल्टी, आॅपरेटिंग कॉस्ट व खनिज लिज नूतनीकरणासाठी भरावयाची स्टॅम्प ड्युटी हे सगळे खर्च जमेस धरले, तर यापुढे खाणमालक हजारो कोटींचा नफा कमावू शकणार नाहीत, अशी चर्चा व्यावसायिकांत सुरू आहे. पर्यावरणप्रेमींकडून याचे स्वागत केले जात आहे. खनिज व्यवसाय कुठे तरी नियंत्रणात यायला हवा. अन्यथा लोभापोटी खाणमालक अमर्याद उत्पादन करत जातील, असे पर्यावरणप्रेमींना वाटते. खनिजमालक होण्याऐवजी निर्यातदार होणे यापुढे चांगले; कारण निर्यातदार टनामागे ३ डॉलरांपेक्षा जास्त पैसे कमवू शकेल, असेही खाण व्यावसायिकांचे म्हणणे आहे. (खास प्रतिनिधी)