शिवनाथ संस्थानात आजपासून जत्रोत्सव

शिरोडा येथील शिवनाथ संस्थानात वार्षिक जत्रोत्सव दि. २६ ते ३१ डिसेंबर या कालावधीत साजरा करण्यात येणार आहे.

लोकमत न्यूज नेटवर्क, फोंडा : शिरोडा येथील शिवनाथ संस्थानात वार्षिक जत्रोत्सव दि. २६ ते ३१ डिसेंबर या कालावधीत साजरा करण्यात येणार आहे.

दि. २६ रोजी सकाळी ९ वाजता गवळण काला, पालखी व अन्य धार्मिक विधी होतील. दुपारी आरती, महाप्रसाद तर संध्याकाळी ७ वाजता श्री मंडलेश्वर देवाचे श्री शिवनाथ मंदिरात आगमन व त्यानंतर पुराण, भजन होईल. २७ रोजी पहाटे ५:३० वाजता नौकाविहार, रथोत्सव दुपारी १२ वाजता दीपोत्सव तर रात्री ८ वाजता आरती. २८ रोजी रात्री ८:३० वाजता पालखी मिरवणूक आरती व सांस्कृतिक कार्यक्रम होईल.

२९ रोजी सकाळी धार्मिक विधी व दुपारी आरती तर रात्री ८:३० वाजता श्रींची अश्वावरून मिरवणूक. ३० रोजी रात्री ८:३० वाजता श्रींची सुखासनातून मिरवणूक त्यानंतर नंतर सांस्कृतिक कार्यक्रम, ३० रोजी सकाळी धार्मिक विधी, दुपारी आरती, रात्री ९:३० वाजता श्रींची पालखीतून मिरवणूक त्यानंतर आरती व सांस्कृतिक कार्यक्रम होईल.