लोकमत न्यूज नेटवर्क, पणजी: लोकसभा निवडणूक नजरेसमोर ठेवून राज्यातील काँग्रेसच्या आठ आमदारांना पक्षात घेण्याच्या भाजपच्या रणनीतीचा लोकसभा निवडणुकीत पुरता फज्जा उडाला आहे.
काँग्रेसमधून आलेल्या आमदारांकडून दोन्ही मतदारसंघांत पक्षाच्या पदरी निराशाच पडली असताना काँग्रेसने मात्र चांगली कामगिरी केली असून फुटीर आमदारांवर 'पाच पांडव' भारी पडले आहेत. दक्षिणेत दिगंबर कामत यांच्या मडगावात भाजपला मोठी आघाडी मिळणार, अशी अपेक्षा केली जात होती. त्याचबरोबर त्यांच्या प्रभावाचा मडगावच्या शेजारच्या विधानसभा मतदारसंघातही फायदा होईल, असेही भाजपला वाटले होते. परंतु शेजारच्या मतदारसंघात तर आधाडी मिळालीच नाही. परंतु खुद्द महगावात अवघ्या ८६ मतांची आघाडी ते भाजपला देऊ शकले आहेत.
मुरगावात संकल्प आमोणकर भाजपमध्ये आल्यामुळे पक्षाला फायदा अपेक्षित होता. परंतु या ठिकाणीही अपेक्षेएवढी मते मिळाली नाहीत. केवळ २०६७ मतांची आघाडी मिळाली आहे. मंत्री बनविलेले आलेक्स सिक्वेराही भाजपला केवळ ३७८३ इतकीच मते देऊ शकले, या ठिकाणी काँग्रेसला ११ हजार मतांची आघाडी मिळाली आहे. उत्तर गोव्यातही तशीच परिस्थिती आहे. सांताक्रूझ मतदारसंघात आमदार रुडाल्फ फर्नाडिस भाजपला आघाडी देऊ शकले नाहीत.
कळंगुटमध्ये तर आमदार मायकल लोबो हे काँग्रेसला २१५७ मतांची आघाडी घेण्यापासून रोख, शकले नाहीत. शिवोलीत दिलायला लोबो याच्या मतदारसंघात अवघ्या २९६७ मतांची आघाडी, तर आमदार राजेश फळदेसाई यांच्या मतदारसंघात केवळ १३२३ मतांची आघाडी मिळाली आहे.
दुसऱ्या पक्षाचे आमदार घेण्याची भाजपची ही रणनीती उपयोगी पहली नाही, पेगळ्या पद्धतीने मिशन सासष्टी राबविण्याचा प्रयत्नही यशस्वी झाला नाही. त्यामुळे काँग्रेसमधून भाजपमध्ये आलेल्या आमदारांचे यापुढे पक्षात काय महत्त्व असेल, याबद्दलही अनिश्चितता निर्माण झाली आहे.
पाच जणांची ताकद...
काँग्रेसचे उमेदवार कैंटन विरिवातो फर्नाडिस यांनी विजयानंतर पाच पांडवांची कमाल असल्याची प्रतिक्रिया दिली आहे. कुंकळळीचे आमदार व विरोधी पक्षनेते युरी आलेमाय, केपेचे आमदार एल्टन डिकोस्ता, बाणावलीचे आपचे आमदार वैझी व्हिएगश, वेळळीचे फूज सिन्या आणि फातोड़ांच आमदार तथा गोवा फॉरवर्डचे नेते विजय सरदेसाई या पाच जणांमुळे विजय सुकर झाले असल्याचे त्यांनी सांगितले.
खलपांना मांद्रे, पेडणेत धक्का
उत्तर गोव्यात भाजपचे उमेदवार श्रीपाद नाईक यांनी डबल हॅट‌ट्रिक केली. मोठ्या मताधिक्याने त्यांनी हा विजय मिळवला. विशेष म्हणजे काँग्रेसचे उमेदवार रमाकांत खलप यांनी माई व पेडणे मतदारसंघांमध्ये अर्थात त्यांच्या 'होम ग्राउंडवर मोठे मताधिक्य अपेक्षित धरले होते; परंतु तिथेच त्यांचा भ्रमनिरास झाला. या दोन्ही मतदारसंघात त्यांना अपेक्षित मते मिळाली नाहीत. निकालानंतर प्रसारमाध्यमांकडे बोलताना रमाकांत खलप म्हणाले की, हा निकाल माझ्यासाठी आश्चर्यकारक आहे. संपूर्ण निकाल जाहीर झाल्यानंतर कारणमीमांसा केली जाईल.