Coronavirus : परदेशात अडकले हजारो गोमंतकीय खलाशी, घरच्यांना लागला घोर

सुमारे चाळीस हजार गोमंतकीय जहाजांवर काम करतात. अशा जहाजांवर काम करणे हा गोवेकरांसाठी पूर्वीपासूनचा रोजगाराचा पर्याय आहे.

मडगाव ( जि. दक्षिण गोवा) : कोरोना विषाणूमुळे अनेक क्रुझ कंपन्यांनी कामकाज बंद ठेवण्याचा निर्णय घेतला आहे. परिणामी परदेशात हजारो गोमंतकीय खलाशी अडकले आहेत. ते घरी कधी परतणार याचा संबंधित कुटुंबीयांना घोर लागलेला आहे. सुमारे चाळीस हजार गोमंतकीय अशा जहाजांवर काम करतात.अशा जहाजांवर काम करणे हा गोवेकरांसाठी पूर्वीपासूनचा रोजगाराचा पर्याय आहे. गोमंतकीय पीएनओ, वायकिंग, एमएससी, आरसीसीएल, कोस्टा, आयदा अशा नामांकित क्रुझ कंपन्यांत काम करतात. या सर्वच कंपन्यांनीआपले कामकाज दोन महिन्यांसाठी बंद ठेवण्याचा निर्णय घेतलाआहे.स्थिती सुधारली तरच या कंपन्या सुरू होणार आहेत. जर हा कालावधी वाढला तर अनेक गोवेकरांवर बेरोजगारीची वेळ येणार आहे.नवरदेव परदेशात... लग्न कसे करायचे ?काही तरुण परदेशात अडकून पडल्याने त्यांची लग्नेही खोळंबलेली आहेत. सांगे-केपे परिसरात अशी तीन प्रकरणे आहेत. इतर ठिकाणीही अशी प्रकरणे असू शकतात.कुडचडे येथील युवक कुवेतमध्ये अडकल्याने लग्नाचा मुहूर्त तो गाठू शकेल का, या चिंतेने त्याच्या कुटुंबीयांना ग्रासले आहे. केपेतील एका कुटुंबालाही लग्न लांबणीवर टाकावे लागले. कारण जहाजावर काम करणारा नवरदेव मस्कत विमानतळावर अडकून पडला आहे. सावर्डेतील एका कुटुंबावरही अशीच पाळी आली आहे.तर कंपन्या दिवाळखोरीत?दक्षिण अमेरिकेतच दोन हजारांच्या आसपास गोवेकर खलाशी अडकले आहेत. कामच नसल्याने शेकडोंच्या संख्येने गोवेकर गोव्यातही परतू लागलेत. जर परिस्थिती सुधारली नाही तर कित्येक क्रुझ कंपन्या दिवाळखोरीत जाऊ शकतात. तसे झाल्यास हजारो गोवेकरांच्या नोकऱ्या जाण्याची शक्यता आहे. कित्येकांनी कर्ज काढून या नोकºया स्वीकारलेल्या आहेत. त्यामुळे भविष्यात स्थिती गंभीर होऊ शकते.- डिक्सन वाझ, अध्यक्ष,गोवन सी फेअरर्स असोसिएशन