पणजी : ‘इफ्फी’ म्हणजेच अखिल भारतीय आंतरराष्ट्रीय चित्रपट महोत्सवात सेलिब्रेटींची चांगलीच बडदास्त केली जाते. शुक्रवारी अभिनेता अरविंद स्वामी, विजय सेथुपती, अदिती राव हैदरी, पूजा भट्ट, राधिका मदान रेड कार्पेटवर दिसले. ‘गांधी टॉक्स’ आणि ‘सना’ या चित्रपटांच्या प्रमोशन दरम्यान त्यांना हा सन्मान देण्यात आला.
‘गांधी टॉक्स’ या चित्रपटाला ए.आर.रेहमान यांनी संगीत दिलं आहे. त्यामुळे या सगळ्या दिग्गज कलाकारांना इफ्फी सोहळ्यात विशेष आमंत्रण देण्यात आलं होतं.
सिद्धार्थ जाधव, महेश मांजरेकर, सुनील बर्वे ‘इफ्फी’त
मराठी अभिनेता सिद्धार्थ जाधवने प्रथमच गोव्यात सुरु असलेल्या आंतरराष्ट्रीय चित्रपट महोत्सवाला हजेरी लावली. ‘गांधी टॉक्स’ या मूक चित्रपटात सिद्धूचीही भूमिका आहे. पहिल्यांदाच या महोत्सवाला आलेल्या सिद्धूने त्याला मिळालेल्या सन्मान आणि चाहत्यांचे प्रेम याचा एक रील त्याच्या इन्स्टाग्रामवर शेअर केली आहे. त्याच्यासोबत अरविंद स्वामी, विजय सेथुपती, अदिती राव हैदरी असे दिग्गज कलाकारही होते.