धानाेरा : तालुक्यातील काेंदावाही येथे ग्रामसभेच्या पुढाकाराने परिसरातील ५० गावांनी एकत्र येऊन चार दिवसीय व्हाॅलीबाॅल व कबड्डीचे सामने यशस्वीपणे पार पाडले. या स्पर्धेत परिसरातील १००पेक्षा जास्त संघ सहभागी झाले होते. अनेक संघांनी उत्कृष्ट खेळाचे प्रदर्शन करून स्पर्धेला रंगत चढविली.
स्व. डाॅ. ब्रम्हदेव शर्मा यांच्या स्मृतिनिमित्त ग्रामसभा काेंडावाही व संयुक्त ग्रामसभांच्या वतीने आदिवासी युवा खेळ स्पर्धा पार पडली. संघभावना व युवा संघटना वाढविण्यासाठी क्रीडा स्पर्धेचा उपयाेग हाेताे. या माध्यमातून खिलाडूवृत्ती जाेपासली जाते. हा उद्देश समाेर ठेवून स्पर्धा आयाेजित करण्यात आली. दरवर्षी राेटेशन पद्धतीने स्पर्धेचे आयाेजन करण्यात येते. यावर्षी दिवसा क्रीडा स्पर्धा व रात्री आदिवासी सांस्कृतिक कार्यक्रम घेऊन मनाेरंजन करण्यात आले.
सांस्कृतिक कार्यक्रमात गाेंडीनृत्य, समूहनृत्य, तरंग वाद्य, रेला, पिपरी आदींचा समावेश हाेता. २२ गावातील ग्रामस्थांनी सांस्कृतिक कार्यक्रमांत भाग घेतला. तत्पूर्वी क्रीडा स्पर्धेचे उद्घाटन खुटगाव इलाक्याचे माजी प्रमुख इस्तरी परसे यांच्या हस्ते झाले. अध्यक्षस्थानी माजी आमदार हिरामण वरखडे हाेते. यावेळी भुम्या महारू पदा, काेंदावाही - झाडाभापडा इलाका गायता सकरू जांगी, खुटगाव इलाक्याचे पेनवाे कारू परसे, इलाका भुम्या पैकू परसे, गायता परशुराम परसे, झाडाभापडा इलाका गायता झिंगू धुर्वे, पेनवाे मैनू धुर्वे, मांजीगड इलाक्याचे माजी प्रमुख रामसू पाेटावी, काेंदावाही ग्रामसभेचे अध्यक्ष देवाजी पदा उपस्थित हाेते.
स्पर्धांच्या यशस्वीतेसाठी काेंदावाही येथील ग्रामसभेच्या सदस्यांनी सहकार्य केले.