आदिवासी विद्यार्थ्यांनी लुटला विमान प्रवासाचा आनंद

कारवाफा आश्रमशाळेने ३ ते ५ फेब्रुवारी या कालावधीत मुंबई येथे सहलीचे आयोजन केले होते. नागपूर ते मुंबई पर्यंतचा प्रवास विद्यार्थ्यांनी विमानाने केला. यातील सर्वच विद्यार्थ्यांनी आजपर्यंत विमान प्रवास तर सोडाच विमानतळ सुध्दा बघितले नव्हते. सहलीच्या निमित्ताने या विद्यार्थ्यांना विमानाचा प्रवास करण्याचा आनंद लुटता आला. मुंबई येथे गेल्यानंतर या विद्यार्थ्यांनी गेट वे आॅफ इंडिया, हॉटेल ताजला भेट दिली.

ठळक मुद्देकारवाफा आश्रमशाळेचे विद्यार्थी : मुंबई येथे शैक्षणिक सहल; विविध स्थळांना दिल्या भेटी

लोकमत न्यूज नेटवर्कगडचिरोली : एकात्मिक आदिवासी विकास प्रकल्प कार्यालय गडचिरोली अंतर्गत येत असलेल्या कारवाफा शासकीय माध्यमिक व उच्च माध्यमिक आश्रमशाळेच्या ३५ विद्यार्थ्यांनी विमानवारीचा अनुभव घेतला आहे.आश्रमशाळांमध्ये शिकणाऱ्या विद्यार्थ्यांना बाहेरच्या विकसीत जगाची माहिती व्हावी, या उद्देशाने एकात्मिक आदिवासी विकास प्रकल्प गडचिरोली कार्यालयाने शैक्षणिक सहल हा उपक्रम यावर्षीच्या शैक्षणिक वर्षात सुरू केला. गडचिरोली प्रकल्प कार्यालयांतर्गत येत असलेल्या पोटेगाव, कारवाफा, मार्र्कंडादेव, भाडभिडी, रेगडी या पाच आश्रमशाळांची शैक्षणिक सहलीसाठी निवड केली. आदिम जमाती विकास योजनेंतर्गत प्रत्येक आश्रमशाळेला १ लाख ७७ हजार रुपयांचा निधी तत्कालीन प्रकल्प अधिकारी डॉ. इंदूराणी जाखड यांनी उपलब्ध करून दिला आहे. या निधीतून विद्यार्थ्यांना कोणत्या ठिकाणी निवड करायची व सहलीचे नियोजन करण्याची जबाबदारी मुख्याध्यापकांवर सोपविण्यात आली होती. शैक्षणिक सहलीसाठी निवड करण्यासाठी शाळास्तरावर इयत्ता ५ ते १२ च्या विद्यार्थ्यांची परीक्षा घेण्यात आली. या परीक्षेत सर्वाधिक गुण प्राप्त करणाऱ्या विद्यार्थ्यांची सहलीसाठी निवड करण्यात आली. पोटेगाव, मार्र्कंडादेव, भाडभिडी येथील विद्यार्थ्यांनी नागपुरातील विवधि स्थळांना भेटी दिल्या.कारवाफा आश्रमशाळेने ३ ते ५ फेब्रुवारी या कालावधीत मुंबई येथे सहलीचे आयोजन केले होते. नागपूर ते मुंबई पर्यंतचा प्रवास विद्यार्थ्यांनी विमानाने केला. यातील सर्वच विद्यार्थ्यांनी आजपर्यंत विमान प्रवास तर सोडाच विमानतळ सुध्दा बघितले नव्हते. सहलीच्या निमित्ताने या विद्यार्थ्यांना विमानाचा प्रवास करण्याचा आनंद लुटता आला. मुंबई येथे गेल्यानंतर या विद्यार्थ्यांनी गेट वे आॅफ इंडिया, हॉटेल ताजला भेट दिली. तसेच समुद्रात बोटीने प्रवासाचा आनंद लुटला. नेहरू तारामंडलला भेट देऊन खगोलशास्त्र, विज्ञान या विषयांची माहिती घेतली. ५ डी मॅजिक शोचा थरारही अनुभवला. छत्रपती शिवाजी वस्तू संग्रहालयाला भेट देऊन ऐतिहासिक व भौगोलिक माहिती जाणली. जुहू चौपाटीवर समुद्रातील लाटांचा आनंद लुटला. कारवाफा आश्रमशाळेचे मुख्याध्यापक व्यंकटेश चाचरकर, शिक्षक विष्णू चव्हाण, निर्मला हेडो, सुशील वकेकार, पुष्पा चव्हाण हे विद्यार्थ्यांसोबत होते. सदर सहल एपीओ विकास राचेलवार, सुधाकर गौरकर यांच्या मार्गदर्शनात आयोजित केली.मुंबई बघून आश्चर्यचकीत झाले विद्यार्थीमुंबई शहरातील टोलेजंग इमारती तसेच या शहरातील विविध वास्तू बघून सहलीला जाणारे विद्यार्थी आश्चर्यचकीत झाले. बहुतांश विद्यार्थी गडचिरोली जिल्ह्याच्या बाहेर गेले नव्हते. या सहलीच्या माध्यमातून विद्यार्थ्यांना चक्क विमानप्रवास व मुंबई, नागपूर शहर बघण्याची संधी उपलब्ध झाली. मुंबईतील वर्दळ, कारखाने, हॉटेल बघून विद्यार्थी आश्चर्यचकीत झाले.