लाेकमत न्यूज नेटवर्क
अहेरी : राजे धर्मराव कला वाणिज्य महाविद्यालय आलापल्ली येथील रासेयाे स्वयंसेवकांनी तालुक्यातील ३० गावांचे सर्वेक्षण करून या गावांमधील नागरिक खर्रा व दारू यांच्यावर किती रुपये खर्च करतात यांचा आढावा घेतला जाणार आहे.
यासाठी महाविद्यालयातील रासेयो विभाग व शोध ग्राम येथील सर्च कार्यकर्ते जितेद्र सहारे, राजेंद्र इसासारे, पुनेश्वर भूरले, आनंद दुधबळे यांनी सर्वेक्षण कसे करायचे याबाबत मार्गदर्शन केले व प्रशिक्षण दिले. सर्वेक्षणाच्या माध्यमातून गावातील लोकांच्या अडचणी समजून घेण्याचे आवाहन महाविद्यालयाचे प्राचार्य डॉ.एम.यू.टिपले यांनी केले. सर्वेक्षण ९ ते ११ जानेवारी २०२१ या कालावधीत करण्यात आले. सर्वेक्षण रासेयो कार्यक्रम अधिकारी प्रा.डी.ती.डोंगरे, प्रा.पी.डी. सोनुले, सर्च टीमचे जितेंद्र सहारे, राजेंद्र इसासरे, पुनेश्वर भुरले, आनंद दुधबले यांच्या मार्गदर्शनाखाली करण्यात आले.