लोकमत न्यूज नेटवर्कगडचिरोली : ग्रीन झोन म्हणून ओळखल्या जात असलेल्या गडचिरोली जिल्ह्यात मागील काही दिवसांपूर्वी कोरोनाचा शिरकाव झाला. राज्याच्या एका टोकावर असलेल्या व जंगलाने वेढलेल्या या जिल्ह्यात कोरोनाची लागण होणार नाही किंवा कमी होईल असा सर्वसामान्यांचा अंदाज खोटा पाडत कोरोनाने आपली पावले तेथेही रोवण्यास सुरुवात केल्याचे वास्तव दररोज समोर येत आहे. सोमवारी ९ कोरोना पॉझिटिव्ह रिपोर्ट आल्याने कोरोनाबाधित रुग्णांची संख्या आता २४ वर गेली आहे. ग्रीन झोन असलेल्या गडचिरोलीत गेल्या सोमवारी (दि.१८) पहिल्यांदाच ५ रुग्णांची नोंद झाली. त्यानंतर नियमितपणे रुग्णांची भर पडत आहे. विशेष म्हणजे आतापर्यंत आढळलेले सर्व रुग्ण मुंबई आणि पुण्यावरून आलेले असून ते संस्थात्मक विलगिकरणात होते.