पं.स. पोटनिवडणुकीत ७१.५६ टक्के मतदान

गडचिरोली तालुक्यातील जेप्रा व धानोरा तालुक्यातील धानोरा पंचायत समिती गणात रविवारी पोटनिवडणुकीसाठी

गडचिरोली : गडचिरोली तालुक्यातील जेप्रा व धानोरा तालुक्यातील धानोरा पंचायत समिती गणात रविवारी पोटनिवडणुकीसाठी मतदान झाले. येथे या दोन्ही ठिकाणी मिळून सरासरी ७१.५६ टक्के मतदान झाले आहे. गडचिरोली पंचायत समितीच्या जेप्रा गणासाठी १७ एप्रिल रोजी रविवारला निवडणूक घेण्यात आली. या निवडणुकीत सकाळी ७.३० पासून तर सायंकाळी ५.३० वाजेपर्यंत एकूण ४८.३२ टक्के मतदान झाले. जेप्रा पं.स. गणामध्ये जेप्रा, राजगाटा (माल), खुर्सा, बामणी, बामणी, सावरगाव, बोदली, बोदली, असे एकूण आठ मतदान केंद्र होते. सदर आठही मतदान केंद्र मिळून एकूण ५ हजार ९९३ मतदार होते. यामध्ये महिला २ हजार ९२० व पुरूष ३ हजार ७३ मतदारांचा समावेश होता. सकाळी ७.३० वाजतापासून सायंकाळी ५ वाजेपर्यंत या आठही मतदान केंद्रावर सरासरी एकूण ४८.३२ टक्के मतदान झाले. जेप्रा मतदान केंद्रावर ४७.३५, राजगाटा माल केंद्रावर ४८.४६, खुर्सा ५६.४०, बामणी ४६.२९, बामणी २१.५७, सावरगाव ६५.४, बोदली ५०.४४ व बोदली येथील दुसऱ्या केंद्रावर ४०.७३ टक्के मतदान झाले. जेप्रा पं.स. गणासाठी काँग्रेसतर्फे अमिता मडावी, भाजपातर्फे नंदा सलामे व शिवसेनेतर्फे पुस्तकला सिडाम हे तीन उमेदवार रिंगणात होते. या तीन उमेदवारांचे भाग्य मशीनबंद झाले. धानोरा तालुक्यातील धानोरा-मुस्का पंचायत समिती गणाच्या रविवारी झालेल्या निवडणुकीत एकूण सरासरी ६९.५६ टक्के मतदान झाले. या पं.स. गणाच्या निवडणुकीसाठी एकूण पाच मतदान केंद्र होते. यामध्ये सोडे, हेटी, येरकड, सालेभट्टी, सालेभट्टी आदींचा समावेश आहे. या पाचही केंद्रात मिळून एकूण मतदार संख्या ३ हजार २४२ आहे. यापैकी महिला १ हजार १०७ व पुरूष १ हजार ११८ अशा एकूण २ हजार २२५ मतदारांनी मतदानाचा हक्क बजाविला. सोडे मतदान केंद्रावर महिला १७१, पुरूष १५८ अशा एकूण ३२९ मतदारांनी मतदान केले असून याची टक्केवारी ७३.२७ आहे. हेटी केंद्रावर महिला २१४ व पुरूष २१६ अशा एकूण ४३० मतदारांनी मतदान केले असून याची टक्केवारी ६९.३५ आहे. येरकड केंद्रावर महिला ३०३ व पुरूष ३२० अशा एकूण ६२३ मतदारांनी मतदान केले असून याची टक्केवारी ६३.६३ आहे. सालेभट्टी येथील पहिल्या केंद्रावर महिला ६६ व पुरूष ७४ अशा एकूण १४० मतदारांनी मतदान केले असून याची टक्केवारी ७१.०५ आहे. सालेभट्टीच्या दुसऱ्या केंद्रावर महिला ३५३ व पुरूष ३५० अशा एकूण ७०३ मतदारांनी मतदान केले असून याची टक्केवारी ७०.५१ आहे. धानोरा-मुस्का पं.स. गणाच्या निवडणुकीसाठी भाजपातर्फे सुशिला सुखदेव टेकाम, काँग्रेसतर्फे ममिता अवसू किरंगे व शिवसेनेतर्फे कल्पना अवसू होळी हे तीन उमेदवार रिंगणात होते. (लोकमत न्यूज नेटवर्क)घोट ग्रामपंचायतीत ७७.६४ टक्के मतदान ४चामोर्शी तालुक्यातील घोट येथील ग्रामपंचायतीच्या सार्वत्रिक निवडणुकीत सकाळी ७.३० ते दुपारी ३ वाजेपर्यंत एकूण सरासरी ७७.६४ टक्के मतदान झाले. या निवडणुकीत एकूण पाच वार्डातील पाच मतदान केंद्र होते. वार्ड क्रमांक एकच्या मतदान केंद्रावर पुरूष ३१२, स्त्रीया ३०१ अशा एकूण ६१३ मतदारांनी मतदान केले असून याची टक्केवारी ७०.५४ आहे. वार्ड क्रमांक दोनच्या केंद्रावर पुरूष २७६, स्त्रीया २४३, अशा एकूण ५१९ मतदारांनी मतदान केले असून याची टक्केवारी ७५.८७ आहे. वार्ड क्रमांक तीनच्या केंद्रावर पुरूष ३५६, स्त्रीया ३१२ अशा एकूण ६६८ जणांनी मतदानाचा हक्क बजाविला असून मतदानाची टक्केवारी ८२.४६ आहे. वार्ड क्रमांक चारच्या केंद्रावर पुरूष २८९, स्त्रीया ३४६ अशा एकूण ६३५ मतदारांनी मतदान केले असून याची टक्केवारी ७१.२७ आहे. वार्ड क्रमांक पाचच्या केंद्रावर पुरूष ४३३, स्त्रिया ४३८ अशा एकूण ८७१ मतदारांनी मतदानाचा हक्क बजाविला असून या केंद्रावरील मतदानाची एकूण टक्केवारी ८६.७५ आहे.उमेदवाराला पोलिसांची धक्काबुक्की४घोट ग्रामपंचायतीच्या सार्वत्रिक निवडणुकीत मतदान प्रक्रिया सुरू असताना निकतवाडा येथील प्रभाग क्रमांक पाचच्या केंद्रावर माजी ग्रा. पं. सदस्य तथा निवडणुकीतील उमेदवार पुरूषोत्तम अर्कपटलावार यांना पोलिसांनी धक्काबुक्की केली. यामुळे या केंद्रावर काही वेळ तणाव निर्माण झाला होता.पारडी कुपी ग्रामपंचायतीत ९०.२ टक्के मतदानगडचिरोली तालुक्यातील पारडी कुपी ग्रामपंचायतीच्या सार्वत्रिक निवडणुकीत रविवारी सकाळी ७.३० ते दुपारी ३ वाजेपर्यंत एकूण सरासरी ९०.२ टक्के मतदान झाले. या निवडणुकीसाठी तीन प्रभागात तीन मतदान केंद्र होते. या निवडणुकीसाठी पुरूष ८६७ व महिला ८१२ असे एकूण १ हजार ७९ मतदार होते. यापैकी पुरूष ७९३ व महिला ७२१ अशा एकूण १ हजार ५१४ मतदारांनी मतदान केले. प्रभाग क्रमांक एकमध्ये एकूण ८९.८ टक्के, प्रभाग क्रमांक दोनमध्ये ९१.५ टक्के तर प्रभाग क्रमांक तीन मध्ये ८९.१ टक्के मतदान झाले. या ग्रामपंचायत निवडणुकीत एकूण १८ उमेदवार रिंगणात होते.वायगाव ग्रा. प. पोटनिवडणुकीत ६६.९६ टक्के मतदान ४चामोर्शी तालुक्यातील वायगाव ग्रामपंचायतीच्या पोटनिवडणुकीसाठी रविवारी मतदान प्रक्रिया घेण्यात आली. या निवडणुकीत एकूण ६६.९६ टक्के मतदान झाले.