भारतीय डाक विभाग जनतेचा अत्यंत विश्वासू असलेला विभाग आहे. देसाईगंज शहराची लोकसंख्या ५३ हजार एवढी आहे. आजघडीला उपविभागीय कार्यालयापासून ते तहसील कार्यालय, औद्योगिक प्रशिक्षण संस्था, नगर परिषद कर्मचारी वसाहत, पंचायत समिती, पंचायत समिती कर्मचारी वसाहत, वनविभाग वसाहत, उपवनसंरक्षक कार्यालय, वखार महामंडळ इत्यादींच्या भव्य इमारती तयार झाल्या. आजतागायत भारतीय डाक विभागाला या शहरात इमारत बांधकामासाठी जागाच न मिळणे याचे आश्चर्य वाटत आहे.
जागेच्या अभावी कर्मचाऱ्यांना काम करताना कोंडमारा होत आहे. आजमितीला सर्वात जास्त बचत खाते येथे आहेत. या ठिकाणी ग्राहकांना उभे राहण्यासाठी दोन ते तीन फुटांची आयताकृती जागा आहे. वयस्क ग्राहकांना बसण्यासाठी काेणतीही स्वतंत्र साेय नाही.
देसाईगंज येथील डाक विभागाच्या माध्यमातून बऱ्यापैकी उत्पन्न मिळते. या उत्पन्नाचा काही भाग जरी खर्च केला तरी या ठिकाणी प्रशस्त इमारत निर्माण करणे शक्य आहे. याकडे सरकारने लक्ष देण्याची गरज आहे.
260821\img_20200317_091410.jpg
देसाईगंज येथील डाक विभाग भाड्याच्या घरात..