वैरागडजवळ अपघात : आरमोरीकडे नेताना मृत्यूवैरागड : सैरावैरा पळत रस्त्यावर आलेल्या नीलगाईला चारचाकी वाहनाने धडक दिल्याने नीलगायीच्या नाकातून रक्तस्त्राव सुरू झाल्याने ती गंभीर जखमी झाली व उपचारासाठी नेताना तिचा मृत्यू झाला. सदर घटना आरमोरी मार्गावर वैरागडपासून ४ किमी अंतरावर कक्ष क्र. ४१ मध्ये वासाळा बिटात मंगळवारी सकाळी ९ वाजताच्या सुमारास घडली.कुरखेडा तालुक्यात शिक्षक पदावर कार्यरत असलेले हिंमतराव आभारे हे चामोर्शीवरून वैैरागड मार्गे एमएच - ०४ - डीवाय - ३७११ या कारने जात होते. वैैरागडपासून चार किमी अंतरावर असलेल्या जंगलातून सैरावैरा पळत असलेले नीलगाय अचानक रस्त्यावर आले व भरधाव वाहनाला धडक दिली. या धडकेने नीलगाईच्या नाकातोंडातून रक्त वाहण्यास सुरुवात झाली. त्याचबरोबर एक पायसुद्धा जखमी झाला. त्यामुळे नीलगाईला चालणे कठीण झाल्याने रस्त्याच्या बाजुला बसून होती. याबाबतची माहिती वन विभागाला दिल्यानंतर वनपरिक्षेत्राधिकारी पी. आर. तांबटकर यांनी पशुवैद्यकीय अधिकाऱ्याला घटनास्थळावर बोलाविले व तिला उपचारासाठी आरमोरी येथे नेत असताना वाटेतच तिचा मृत्यू झाला. (वार्ताहर)
चारचाकी वाहनाच्या धडकेत नीलगाय ठार
By admin | Updated: October 28, 2015 01:40 IST