५० जणांची उपस्थिती : भामरागडात कार्यक्रमभामरागड : कैवल्या एज्युकेशन फाऊंडेशन या संस्थेअंतर्गत मुख्याध्यापकांची दोन दिवसीय कार्यशाळा १४ व १५ सप्टेंबर रोजी घेण्यात आली. या कार्यशाळेदरम्यान मुख्याध्यापकांना नेतृत्व विकासाबाबत मार्गदर्शन करण्यात आले.कार्यशाळेच्या उद्घाटनप्रसंगी अध्यक्ष म्हणून जिल्हा शिक्षण व प्रशिक्षण संस्थेचे प्राचार्य डॉ. रवींद्र रमतकर होते. प्रमुख अतिथी म्हणून डायटचे ज्येष्ठ अधीव्याख्याता डॉ. विनीत मत्ते उपस्थित होते. मुख्याध्यापकाला संपूर्ण शाळेची जबाबदारी सांभाळावी लागते. वरिष्ठांच्या नियंत्रणात काम करण्याबरोबरच विद्यार्थी व शिक्षकांवर नियंत्रणसुद्धा ठेवावे लागते. ही दुहेरी जबाबदारी मुख्याध्यापकांना पार पाडावी लागते. त्यामुळे मुख्याध्यापकांमध्ये नेतृत्व गुण असणे अत्यंत आवश्यक आहे. ही बाब लक्षात घेऊन कैवल्या एज्युकेशन फाऊंडेशनने तालुक्यातील मुख्याध्यापकांना नेतृत्वगुण विकसित करण्याबाबत मार्गदर्शन केले. या कार्यशाळेला भामरागड तालुक्यातील ५० शाळांचे मुख्याध्यापक हजर होते.याच कार्यशाळेदरम्यान पायाभूत चाचणीनंतरचे प्रयत्न, संकलीत एकची तयारी, शाळेची श्रेणी वाढविणे, शेवटचा विद्यार्थी प्रगत करणे याबाबत मार्गदर्शन करण्यात आले. साधन व्यक्ती चांगदेव सोरते यांनी तालुक्यातील शाळांबद्दल माहिती दिली. कार्यशाळेला गटशिक्षणाधिकारी दरडमारे, शिक्षण विस्तार अधिकारी बद्रे, केंद्रप्रमुख गटसाधन केंद्रातील साधन व्यक्ती उपस्थित होते. (तालुका प्रतिनिधी)
मुख्याध्यापकांची नेतृत्व कार्यशाळा
By admin | Updated: September 17, 2016 01:48 IST