लोकमततर्फे वितरक, विक्रेत्यांच्या गुणवंत पाल्यांचा सत्कार

लोकमत वृत्तपत्र समुहाच्या वतीने गडचिरोली जिल्ह्यातून दहावी व बारावीच्या परीक्षेत यशस्वी ठरलेल्या लोकमत वृत्तपत्र

गडचिरोली : लोकमत वृत्तपत्र समुहाच्या वतीने गडचिरोली जिल्ह्यातून दहावी व बारावीच्या परीक्षेत यशस्वी ठरलेल्या लोकमत वृत्तपत्र वितरक व हॉकर्स यांच्या गुणवंत पाल्यांचा सत्कार सोमवारी दुपारी लोकमत जिल्हा कार्यालयात करण्यात आला.या कार्यक्रमाच्या अध्यक्षस्थानी लोकमतचे जिल्हा कार्यालय प्रमुख डॉ. गणेश जैन होते. या कार्यक्रमाला लोकमत जिल्हा प्रतिनिधी अभिनय खोपडे, लोकमत समाचार जिल्हा प्रतिनिधी सुनील चौरासिया, गडचिरोली येथील लोकमतचे प्रमुख वितरक श्रीकांत पतरंगे आदी उपस्थित होते. या कार्यक्रमात लोकमतचे आरमोरी येथील वितरक अशोक गोन्नाडे यांचा सुपुत्र अमोग गोन्नाडे, आरमोरी येथील वितरक योगीराज धकाते यांची मुलगी प्रतिमा धकाते व गडचिरोली येथील वृत्तपत्र विक्रेता प्रफुल विठोबा बोदलकर याचा रोख रक्कम, पुष्पगुच्छ देऊन सत्कार करण्यात आला. या गुणवंतांना भविष्याच्या वाटचालीसाठी शुभेच्छा देण्यात आल्या. या कार्यक्रमाला लोकमत परिवारातील सर्व सदस्य, लोकमत कार्यालयातील कर्मचारी उपस्थित होते. (जिल्हा प्रतिनिधी)