कार्यक्रमाच्या अध्यक्षस्थानी संस्थेचे कोषाध्यक्ष तथा माजी प्राचार्य पी. के. सहारे होते. प्रमुख अतिथी म्हणून प्राचार्य व्ही. जी. शेंडे, सत्कारमूर्ती सेवानिवृत्त पर्यवेक्षक एस. के. वासनिक. व यू, बी. उईके सपत्नीक उपस्थित होते.
यावेळी माजी प्राचार्य व कार्यरत प्राचार्य यांच्या हस्ते दोन्ही सेवानिवृत्त कर्मचाऱ्यांचा शाल, श्रीफळ, भेटवस्तू व साडी-चोळी देऊन सपत्नीक सत्कार करण्यात आला. सेवानिवृत्त कर्मचाऱ्यांनी केलेल्या सेवेचा गौरव करण्यात आला. कर्मचाऱ्यांनी आपल्या कामात नीटनेटकेपणा, प्रामाणिकपणा व वक्तशीरपणा या गुणांचे आचरण करून शाळा व विद्यार्थ्यांची उत्तरोत्तर प्रगती व्हावी म्हणून इतर कर्मचाऱ्यांनी कापले कर्तव्य तत्परतेने पार पाडावे, असे आवाहन माजी प्राचार्य पी. के. सहारे व प्राचार्य व्ही. जी शेंडे यांनी केले.
प्रास्ताविक शिक्षक हंसराज बडोले, संचालन रवींद्र नैताम तर आभार वसंत पेंद्राम यांनी मानले. यशस्वीतेसाठी शिक्षकेत्तर कर्मचाऱ्यांनी सहकार्य केले.