गडचिराेली : काेराेना महामारीच्या पार्श्वभूमीवर लाॅकडाऊनमुळे अनेकांचे उद्याेगधंदे बंद झाले. काही खासगी कंपन्यांतल्या नाेकऱ्या संपल्या. मात्र, बेराेजगार युवक, युवतींना राेजगार मिळण्याची संधी काेराेनाच्या माध्यमातून उपलब्ध झाली. गडचिराेली जिल्ह्यात ३०० वर कंत्राटी कर्मचारी काेविड केअर सेंटरमध्ये कार्यरत असून, जिवाची जाेखीम पत्करून ते ड्युटी करीत आहेत. असे असले तरी शासनाकडून या कर्मचाऱ्यांना कुठलेही विमा संरक्षण नाही.
गडचिराेली जिल्ह्यात जिल्हा मुख्यालयी चार काेविड रुग्णालये आहेत. याशिवाय प्रत्येक तालुकास्तरावर व उपजिल्हा रुग्णालयातही काेविड रुग्णालये आहेत. या रुग्णालयात एकूण ९८७ कर्मचारी आहेत. यामध्ये नियमित व कंत्राटी कर्मचारी व डाॅक्टरांचा समावेश आहे. कंत्राटी कर्मचारी व डाॅक्टरांची संख्या ५७८ च्या आसपास आहे. जिल्हा परिषद, आराेग्य विभाग व जिल्हा सामान्य रुग्णालय प्रशासनाअंतर्गत बाह्यस्रोताद्वारे काेविडसाठी कंत्राटी कर्मचाऱ्यांची नियुक्ती करण्यात आली आहे.
बाॅक्स...
एकूण कर्मचारी - ९८७
कंत्राटी कर्मचारी - ५७८
जिल्ह्यातील काेविड केअर सेंटर - ११
बाॅक्स....
कंत्राटी कर्मचाऱ्यांचे इन्शुरन्सच नाही - ९२ टक्के
बाॅक्स...
कर्मचाऱ्यांमध्ये नाराजीचा सूर
काेविड केअर सेंटरमध्ये रुग्णांची सेवा करणाऱ्या कर्मचाऱ्यांना त्यांच्या पदानुसार १२ ते २० हजार रुपयांपर्यंत मासिक वेतन दिले जात आहे. या वेतनाशिवाय कुठलेही विमा संरक्षण नाही. पीएफची सुविधा नाही. त्यामुळे कर्मचाऱ्यांमध्ये नाराजीचा सूर दिसून येत आहे.
बाॅक्स...
पुण्याच्या संस्थेला कंत्राट
काेराेना महामारीची पहिली लाट आल्यावर ही लाट व संसर्ग थांबविण्यासाठी आराेग्य यंत्रणा बळकट करण्यात आली. दरम्यान, काेराेनाबाधितांवर वेळेवर याेग्य औषधाेपचार व्हावा, यासाठी काेविड रुग्णालय स्थापन करण्यात आले. या काेविड रुग्णालयामध्ये बाह्यस्रोताद्वारे कंत्राटी कर्मचाऱ्यांची नियुक्ती करण्यात आली आहे. अशाप्रकारचे मनुष्यबळ पुरविणाऱ्या पुण्याच्या एका संस्थेला कंत्राट देण्यात आले आहे. या संस्थेकडून गडचिराेली जिल्ह्याच्या काेविड केअर सेंटरमध्ये कंत्राटी कर्मचाऱ्यांची नियुक्ती करण्यात आली आहे.
बाॅक्स....
आतापर्यंत २२ जण पाॅझिटिव्ह
काेविड केअर सेंटरमध्ये काेराेनाबाधित रुग्णांना सेवा देण्याचे काम कंत्राटी कर्मचारी करीत आहेत. यामध्ये वैद्यकीय अधिकाऱ्यांसाेबतच वाॅर्डबाय, परिचारिका, सफाई कामगार, सल्लागार, लॅब टेक्निशियन, एक्स-रे टेक्निशियन, आदींचा समावेश आहे. रुग्णालयात सेवा देताना कंत्राटी कर्मचाऱ्यांनाही काेराेनाचा संसर्ग झाला आहे. जिल्हाभरात आतापर्यंत २२ कंत्राटी कर्मचाऱ्यांचा अहवाल काेराेना पाॅझिटिव्ह आला आहे.
बाॅक्स...
शासकीय सेवेत सामावून घ्या
काेविड रुग्णालयात सेवा देणे म्हणजे प्रचंड जाेखीम आहे. रुग्ण असलेल्या वाॅर्डात ऑक्सिजन सिलिंडर पाेहाेचवून देणे, मृतदेह पॅक करणे, नातेवाइकांकडील रुग्णांची वस्तू रुग्णांपर्यंत पाेहाेचवून देणे, पाण्याचे कॅन वाॅर्डात आणून ठेवणे, वाॅर्डात भाेजन व नाश्ता आणून ठेवणे, आदी कामे कंत्राटी कर्मचाऱ्यांना करावी लागत आहेत. संसर्गाची भीती असल्याने विमा संरक्षण देऊन शासकीय सेवेत सामावून घ्यावे, अशी मागणी कंत्राटी कर्मचाऱ्यांनी केली आहे.
काेट....
काेराेनाच्या पहिल्या लाटेपासून ते अजूनही आपण काेविड केअर सेंटरमध्ये कंत्राटी कर्मचारी म्हणून काम करीत आहे. आठ तासांची ड्युटी बजावून रुग्णाला सेवा देत आहे. मात्र, विमा संरक्षण नसल्याने अन्याय हाेत आहे.
- महेश किरंगे, कर्मचारी
काेट....
गडचिराेली जिल्ह्याच्या सर्वच रुग्णालयांत नियमित कर्मचाऱ्यांची अनेक पदे रिक्त आहेत. काेराेना रुग्णांसाठी सेवा देणाऱ्या आम्हा कर्मचाऱ्यांना रिक्त असलेल्या जागेवर रुग्णालयात नियमित कर्मचारी म्हणून संधी देण्यात यावी, अशी मागणी आहे.
- प्रफुल बारसागडे, कर्मचारी