ठळक मुद्देपीएलजीए स्थापना दिवस पाळण्याचे आवाहन
लोकमत न्यूज नेटवर्कगडचिरोली: येत्या २ ते ८ डिसेंबरदरम्यान पीएलजीए (पीपल्स लिबरेशन गुरिला आर्मी) स्थापना दिवस सप्ताह पाळण्याचे आवाहन नक्षल्यांनी केले आहे. तशा आशयाचे पत्रक लावून त्यांनी गुरुवारी सकाळी आलापल्ली-भामरागड मार्गावर झाड आडवे टाकून नागरिकांना त्यात सहभागी होण्यास सांगितले आहे. पेरमिलीपासून २ कि.मी. अंतरावर अरेंदा फाट्यावर नक्षल्यांनी हे बॅनर लावले व काही पत्रके तेथे टाकली होती. केंद्र सरकारच्या धोरणांना विरोध दर्शवत त्यांनी नागरिकांना संघटनेत सामील होण्याचेही आवाहन केले आहे. पेरमिली एरिया कमिटीच्या नावाने हे पत्रक व बॅनर लावले आहे.