काेराेनाचा संसर्ग वाढत आहे. परंतु भामरागडसह तालुक्यात नागरिक गंभीर नसल्याचे दिसून येत आहे. बँक, दुकाने, हाॅटेलमध्ये शारीरिक अंतराच्या नियमाचे उल्लंघन हाेत आहे. जिल्हाधिकारी यांनी १४ एप्रिल ते १ मेपर्यंत कडक निर्बंध घालून दिल्यानंतर व कोरोना पॉझिटिव्ह रुग्णसंख्या झपाट्याने वाढत असतानाही नागरिक दुर्लक्ष करीत असल्याने भामरागड तालुका प्रशासनाने कडक पावले उचलली आहेत. विनामास्क व विनाकारण फिरणाऱ्यांवर १७ एप्रिलपासून कडक कारवाई करण्यात येत आहे. संचारबंदी नियमाची अंमलबजावणी करण्यासाठी महसूल, पोलीस व नगर पंचायत कर्मचाऱ्यांनी भरउन्हात रस्त्यावर उभे राहून कारवाई करण्यास सुरुवात केली. इशारा देऊन व दंडात्मक कारवाई करूनही न जुमानलेल्या मां गायत्री हाॅटेल सील करून १ मेपर्यंत बंद ठेवण्याचे आदेश देण्यात आले.
===Photopath===
190421\19gad_6_19042021_30.jpg
===Caption===
भामरागड येथे कारवाई करताना अधिकारी व कर्मचारी.