'ये जवानी है दिवानी' फेम अभिनेत्रीचा घटस्फोट, लग्नानंतर ५ वर्षांनी मोडला संसार; म्हणाली...

मुलांच्या संगोपनाबद्दल अभिनेत्री म्हणाली...

रणबीर कपूर आणि दीपिका पादुकोणचा 'ये जवानी है दिवानी' सिनेमा सुपरहिट झाला होता. सिनेमा एवलीन शर्मा ही जर्मन अभिनेत्रीही दिसली होती. तिच्याही अभिनयाने प्रेक्षकांचं लक्ष वेधलं होतं. दरम्यान एवलीन शर्मा पतीपासून विभक्त झाली आहे.  लग्नानंतर पाच वर्षांनी तिचा संसार मोडला आहे. याबद्दल एवलीनने स्वत: भाष्य केलं आहे.

हिंदुस्तान टाईम्सला दिलेल्या मुलाखतीत एवलीन शर्मा म्हणाली, "हो, आम्ही नातं इथेच थांबवण्याचा निर्णय घेतला आहे. परस्पर सहमतीने आणि शांततापूर्ण पद्धतीने आम्ही वेगळे होत आहोत.  मात्र आमच्या दोन्ही मुलांच्या पालनपोषणासाठी आम्ही कायम त्यांचे आईबाबा म्हणून राहू. आयुष्याच्या या नव्या टप्प्यावरही आमची जुनी मैत्री कायम राहील. आम्ही मिळून मुलांचा सांभाळ करु. या क्षणी आम्हाला प्रायव्हसी द्यावी अशी मी आशा करते."

एवलीन शर्मा २०१२ ते २०१९ पर्यंत हिंदी सिनेमांमध्ये काम करत होती. 'ये जवानी है दिवानी'शिवाय ती 'यारियां','मै तेरा हिरो' सिनेमांमध्येही दिसली. २०१९ साली तिचा 'साहो' हा शेवटचा सिनेमा आला. त्याच वर्षी तिने इंडो ऑस्ट्रेलियन डेंटल सर्जन तुषान भिंडीशी साखरपुडा केला. तर २०२१ साली ती तुषारसोबत लग्नबंधनात अडकली. एवलीनने दोन मुलांना जन्म दिला. मात्र आता लग्नानंतर ५ वर्षांनी एवलीनने घटस्फोट घेतला आहे.