"लाल लाल कलरची बांगडी..." गाण्यावर ऐश्वर्या नारकर यांनी बनवला रील, संजू राठोड कमेंट करत म्हणाला...

ऐश्वर्या नारकर यांनी देखील 'लाल लाल कलरची बांगडी' गाण्यावर रील बनवला आहे. त्यांच्या या व्हिडीओला चाहत्यांकडून पसंती मिळत आहे. 

सोशल मीडियावरील गाण्यांचा ट्रेंड रोज बदलत असतो. सध्या संजू राठोडच्या 'लाल लाल कलरची बांगडी' या गाण्याने चाहत्यांना भुरळ घातली आहे. या गाण्यावरील रील्स सध्या व्हायरल होत आहेत. सेलिब्रिटींनाही या गाण्यावर रील बनवण्याचा मोह आवरता येत नाहीये. ऐश्वर्या नारकर यांनी देखील 'लाल लाल कलरची बांगडी' गाण्यावर रील बनवला आहे. त्यांच्या या व्हिडीओला चाहत्यांकडून पसंती मिळत आहे. 

ऐश्वर्या नारकर यांनी त्यांच्या इन्स्टाग्राम अकाऊंटवरुन एक रील व्हिडीओ शेअर केला आहे. 'लाल लाल कलरची बांगडी' गाण्यावर त्या डान्स करताना दिसत आहे. 'लाल लाल कलरची बांगडी' या गाण्याच्या हुक स्टेप्सही त्यांनी केल्या आहेत. साडी नेसून हातात लाल रंगाच्या बांगड्या त्यांनी घातल्याचं दिसत आहे. त्यांच्या या व्हिडीओवर संजू राठोडनेही कमेंट केली आहे. "सुंदर" अशी कमेंट संजू राठोडने ऐश्वर्या नारकर यांच्या व्हिडीओवर केली आहे. 

ऐश्वर्या नारकर या मराठी सिनेसृष्टीतील लोकप्रिय अभिनेत्री आहेत. गेली कित्येक वर्ष त्या प्रेक्षकांचं अविरतपणे मनोरंजन करत आहेत. सोशल मीडियावरही त्या प्रचंड सक्रिय असल्याचं दिसतं. ट्रेंडिंग गाण्यावरील रील व्हिडीओ त्या बनवत असतात. त्यांच्यासोबत अविनाश नारकरही अनेकदा रील बनवतात.