अशी ही मदनमंजिरी! 'फुलवंती' प्राजक्ता माळीचा कान्समध्ये जलवा, नऊवारी साडीत खुललं सौंदर्य

प्राजक्ता माळी फोटो पोस्ट शेअर करत कॅप्शन देत म्हणाली...

'कान्स'या प्रतिष्ठित जागतिक फिल्म फेस्टिवलमध्ये यंदा मराठीचाही आवाज दुमदुमला. अभिजात मराठीच्या ग्लोबल लाँचसाठी मराठी कलाक्षेत्रातील अशोक सराफ, निवेदिता सराफ, प्राजक्ता माळी, अंकिता वालावलकर यांनी कान्समध्ये हजेरी लावली.

सर्वांनीच मराठीचं प्रतिनिधित्व करत कान्सच्या रेड कार्पेटवर पदार्पण केलं. नऊवारी साडी, पैठणी या महाराष्ट्रीय संस्कृतीला त्यांनी तिथे प्रमोट केलं.

मराठी प्रेक्षकांची लाडकी 'फुलवंती' प्राजक्ता माळीच्या लूकची तर सर्वांनाच उत्सुकता होती. ग्लोबल लाँचसाठी तिने मरुन रंगाचा हा रिव्हीलिंग वनपीस घातला होता ज्यात ती अतिशय ग्लॅमरस दिसली.

तर रेड कार्पेटसाठी निळ्या रंगाच्या नऊवारी साडीत प्राजक्ताचं सौंदर्य खुलून आलं. काठापदराची नऊवारी, कमरपट्टा आणि पारंपरिक दागिने फ्लॉन्ट करत तिची रेड कार्पेटवर एन्ट्री झाली.

प्राजक्ताने तिच्या या लूकमधील फोटो पोस्ट केले आहेत. फ्रान्समधील प्रसिद्ध फ्रेंच रिव्हेरा येथे तिने खास फोटोशूट केलं. तिच्या नऊवारीचा पदर उडवत तिने मस्त पोज दिल्या.

केसांचा अंबाडा त्यावर खोपा, अॅक्सेसरीज, गळ्यात हार, सोन्याचे कानातले, नथ, कपाळी चंद्रकोर, हातात बांगड्या आणि पायात पैंजण असा तिचा प्रेमात पाडणारा लूक आहे.

'काही लिहायची गरज? फक्त… मिळत असलेल्या सगळ्या प्रेमाबद्दल… खूप प्रेम' असं कॅप्शन तिने पोस्टला दिलं आहे.

चाहत्यांनी प्राजक्ताच्या या पोस्टवर कमेंट्सचा वर्षाव केला आहे. अनेकांनी तिला 'जलपरी' असं संबोधलं आहे. समुद्राच्या काठावर तिला निळ्या नऊवारी साडीत बघून चाहते भाळले आहेत.