कोण आहे गोलशिफ्ते फराहानी? फ्रान्सच्या राष्ट्राध्यक्षांबरोबर जोडलं जातंय नाव!

इमॅन्युएल मॅक्रॉन यांच नाव लोकप्रिय अभिनेत्रीशी जोडलं जात आहे.

फ्रान्सचे राष्ट्रपती इमॅन्युएल मॅक्रॉन यांच्या खासगी आयुष्याबद्दल सध्या जगभरात मोठी चर्चा सुरू झाली आहे.

इमॅन्युएल मॅक्रॉन यांच नाव गोलशिफ्ते फराहानी या अभिनेत्रीशी जोडलं जात आहे.

इमॅन्युएल मॅक्रॉन आणि गोलशिफ्ते फराहानी यांच्यात कथितरित्या 'प्लॅटोनिक रिलेशनशिप' (शारीरिक आकर्षणाशिवाय असलेले मैत्रीपूर्ण नाते) असल्याचा दावा फ्रेंच मीडियाने केला आहे.

गोलशिफ्ते फराहानी ही इराणी चित्रपटसृष्टीतील लोकप्रिय अभिनेत्री आहे. ती तिच्या अभिनयासोबतच स्पष्टवक्तेपणासाठीही ओळखली जाते.

CNN News18 ने दिलेल्या वृत्तानुसार, इमॅन्युएल मॅक्रॉन आणि गोलशिफ्ते फराहानी यांच्यात गेल्या काही महिन्यांपासून वैयक्तिक संवाद सुरू होता.

वृत्तांमध्ये असा दावा करण्यात आला आहे की, गेल्या वर्षी फ्रान्सच्या फर्स्ट लेडी ब्रिगेट मॅक्रॉन यांना या संवादाबद्दल समजले, ज्यामुळे दोघांच्या वैवाहिक आयुष्यात तणाव निर्माण झाला.

या खळबळजनक दाव्यांवर अद्याप अद्याप मॅक्रॉन यांचे कार्यालय किंवा अभिनेत्री गोलशिफ्ते फराहानी यांनी कोणतीही अधिकृत प्रतिक्रिया दिलेली नाही. इमॅन्युएल मॅक्रॉन यांच्यासोबत नाव जोडलं गेल्यानं गोलशिफ्ते फराहानी सध्या इंटरनेटवर ट्रेंड होत आहे.

इराणमध्ये जन्मलेली फराहानी ही इराणी, फ्रेंच आणि हॉलिवूड चित्रपटांतील प्रसिद्ध चेहरा आहे. ती ज्येष्ठ अभिनेते बेझद फराहानी यांची मुलगी आहे.

गोलशिफ्ते फराहानीने 'बॉडी ऑफ लाइज' (हॉलिवूड), 'पॅटरसन' आणि अलिकडेच ख्रिस हेम्सवर्थसोबत 'एक्सट्रॅक्शन' (Extraction) या चित्रपटात 'निक खान'ची महत्त्वाची भूमिका साकारली.

२००८ मध्ये आंतरराष्ट्रीय चित्रपटात काम करताना हिजाब परिधान करण्यास नकार दिल्यामुळे तिला इराणमधून निर्वासित व्हावे लागले होते. तेव्हापासून ती परदेशात राहत आहे.

दरम्यान फ्रान्सच्या राष्ट्राध्यक्षांच्या पत्नी ब्रिजिट मॅक्रॉन या त्याच्यापेक्षा वयाने मोठ्या आहेत. त्या आधी शिक्षिका होत्या.