"चिठ्ठी"मध्ये धनश्री दिसणार 'गर्ल नेक्स्ट डोअर' भूमिकेत

आजवर अनेक टीव्ही मालिकांतून आपल्या अभिनयाचा ठसा उमटवलेली अभिनेत्री धनश्री काडगावकर आता "चिठ्ठी" चित्रपटात प्रमुख भूमिका साकारत असून त्यात ...

आ�

��वर अनेक टीव्ही मालिकांतून आपल्या अभिनयाचा ठसा उमटवलेली अभिनेत्री धनश्री काडगावकर आता "चिठ्ठी" चित्रपटात प्रमुख भूमिका साकारत असून त्यात तिची 'गर्ल नेक्स्ट डोअर' अशी भूमिका आहे.  

डांगे एंटरटेन्मेंटच्या विशाल डांगे यांनी या चित्रपटाची निर्मिती केली असून वैभव डांगे यांनी या चित्रपटाचं दिग्दर्शन केलं आहे. स्वरदा बुरसे आणि सुजय जाधव यांनी या चित्रपटाचं लेखन केलं आहे. या पूर्वी धनश्रीनं काही चित्रपटांतून काम केलं आहे  मात्र या चित्रपटात ९०च्या दशकातली एक धमाल प्रेमकथा पहायला मिळणार आहे.  
"चिठ्ठी" या चित्रपटातील माझी भूमिका अत्यंत साधी, 'गर्ल नेक्स्ट डोअर' अशी आहे. प्रियकरानं पाठवलेली "चिठ्ठी" तिच्यापर्यंत पोहोचतच नाही आणि काय धमाल उडते असं यातलं कथानक आहे. प्रत्येक प्रेक्षकाला ते नक्की आवडेल. मलाही या चित्रपटाविषयी खूप उत्सुकता आहे,' अशी भावना धनश्रीनं व्यक्त केली. आता या "चिठ्ठी"चा नेमका काय घोळ झाला आहे ते १९ जानेवारीलाच उलगडेल. ‘तुझ्यात जीव रंगला’ मालिकेत नंदिता वहिनीची भूमिका धनश्री काडगांवकरने साकारली आहे.या मालिकेमुळे धनश्री काडगांवकरला चांगलीच लोकप्रियता मिळाल्याचे पाहयाला मिळतंय. मालिकेत तिच्या अभिनयासह तिच्या सौदर्यांनेही रसिकांचे मनं जिंकली आहेत. 

"चिट्ठी" चित्रपटात एक धमाल प्रेमकथा पहायला मिळणार आहे. एका तरूणाने त्याच्या प्रेयसीला पाठवलेली "चिठ्ठी" तिला मिळतच नाही आणि त्यानंतर काय गोंधळ होतो, या आशयसूत्रावर हा चित्रपट बेतला आहे.

"चिठ्ठी" या चित्रपटात अभिनेत्री धनश्री काडगावकरसह अभिनेता शुभंकर एकबोटे यांच्यासह अश्विनी गिरी, नागेश भोसले, अक्षय टांकसळे, श्रीकांत यादव, राजेश भोसले आणि काही बालकलाकारांच्या महत्त्वाच्या भूमिका आहेत. वैभव काळुराम डांगे यांनी या चित्रपटाचं दिग्दर्शन केलं असून स्वरदा बुरसे आणि सुजय जाधव यांनी या चित्रपटाचं लेखन केलं आहे.