पाकिस्तानी अभिनेता फवाद खानचं भारताशी आहे खास कनेक्शन; वाचून बसेल धक्का

फवाद खानचा भारतातही मोठा चाहतावर्ग आहे. आज अभिनेता त्याचा 42 वा वाढदिवस साजरा करत आहे.

फवाद खानचे नाव पाकिस्तानातील टॉप कलाकारांमध्ये घेतले जाते. तो केवळ एक चांगला अभिनेताच नाही तर एक चांगला गायकही आहे. त्याने बॉलिवूडमध्येही फार कमी वेळात खूप नाव कमावले आहे. फवाद खानचा भारतातही मोठा चाहतावर्ग आहे. आज अभिनेता त्याचा 42 वा वाढदिवस साजरा करत आहे. पाकिस्तानी असलेल्या फवाद खानचे भारताशी खास नाते आहे.

फवाद खानच्या पालकांचा जन्म स्वातंत्र्यपूर्व भारतात झाला होता. त्यावेळी पाकिस्तानची निर्मिती झाली नव्हती. फाळणीपूर्वी फवादचे वडील अफजल खान यांचा जन्म पंजाबमधील पटियाला येथे झाला होता. फवादच्या आईचा जन्म उत्तर प्रदेशातील लखनऊमध्ये झाला. मात्र, फाळणीवेळी ते पाकिस्तानात गेले. फवाद खानला दोन बहिणी आहेत. मोठी बहीण आलिया आर्किटेक्ट आहे आणि लहान बहीण सना फिजिशियन आहे.

फवाद खानने 2014 मध्ये 'खूबसूरत' चित्रपटाद्वारे बॉलिवूडमध्ये पदार्पण केले. या चित्रपटातील सोनम कपूरसोबतची तिची केमिस्ट्री प्रेक्षकांना आवडली होती. या चित्रपटासाठी त्यांना सर्वोत्कृष्ट पदार्पणाचा फिल्मफेअर पुरस्कारही मिळाला होता. हा पुरस्कार मिळवणारा तो पहिला पाकिस्तानी अभिनेता आहे. फवाद खानने 2016 साली आलेल्या 'कपूर अँड सन्स'मध्ये महत्त्वाची भूमिका साकारली होती. यानंतर तो अनुष्का शर्मा आणि रणबीर कपूरसोबत 'ए दिल है मुश्किल' चित्रपटात दिसला होता.

फवाद खानची लव्ह लाईफही खूपच भारी आहे.  वयाच्या अवघ्या १६ व्या वर्षी तो प्रेमात पडला. 8 वर्षे रिलेशनशिपमध्ये राहिल्यानंतर त्याने 12 नोव्हेंबर 2005 रोजी सदफसोबत लग्न केले. फवादला एक मुलगी आणि एक मुलगा आहे.  नोव्हेंबर 2022 च्या अहवालानुसार, फवादची एकूण संपत्ती सुमारे 48 कोटी रुपये आहे. फवादचे लाहोरमध्ये आलिशान घर आहे. याशिवाय त्यांचा कराचीमध्ये एक बंगलाही आहे.