Bollywood News & Gossip in Marathi | Latest Entertainment News | हिंदी फिल्म | Bollywood Actress, Actors, Parties & Events | Hindi Movie Reviews

तनिषा चॅटर्जी नुकतीच ब्रेट लीसोबत अनइंडियन या चित्रपटात झळकली होती. या चित्रपटानंतर ती आता आयलंड सिटी या चित्रपटात विनय पाठक आणि अमृता सुभाष यांच्यासोबत झळकणार आहे. या चित्रपटाच्या निमित्ताने तनिषाने सीएनएक्ससोबत मारलेल्या गप्पा... आयलंड सिटी या चित्रपटाचा भाग तू कशाप्रकारे झालीस?आयलंड सिटी या चित्रपटाची कथा या चित्रपटाची दिग्दर्शिका रुचिका ऑबेरॉयने विनयला ऐकवली होती. ही कथा ऐकताच त्याला खूप आवडली आणि या चित्रपटातील एका भूमिकेसाठी मी योग्य आहे असे त्याला वाटल्यामुळे त्याने मला ही कथा ऐकवली आणि मी या चित्रपटाचा भाग बनले. हा एकच चित्रपट असला तरी या चित्रपटात प्रेक्षकांना तीन वेगवेगळ्या कथा पाहायला मिळणार आहेत आणि या तिन्ही कथा एकमेकांपेक्षा पूर्णपणे वेगळ्या आहेत. अमृता, विनय आणि माझे चित्रीकरण संपूर्णपणे वेगळे झाले आहे. त्यामुळे चित्रपटाचे चित्रीकरण संपूर्ण होईपर्यंत आम्हाला तिघांनाही एकमेकांच्या कामाविषयी उत्सुकता होती. तुझ्यासाठी सर्वात जवळचे शहर कोणते आहे?मी लहानाची मोठी दिल्लीत झाले. पण मुंबई हे माझ्या खूप जवळचे आहे. मुंबईत मी सगळ्यात पहिल्यांदा आले, त्यावेळी मला हे शहर अजिबातच आवडले नव्हते. पण मुंबईत राहिल्यावर मला हे शहर माझ्या जवळचे वाटू लागले. या शहराची, शहरात राहणाऱ्या लोकांची एनर्जी मी शब्दांत व्यक्त करू शकत नाही. या शहरात तुम्ही राहायला लागल्यावर या शहराची तुम्हाला इतकी सवय होते की, या शहराशिवाय तुम्ही राहूच शकत नाही. तुम्ही शहरात राहात असताना अनेक स्तरातील लोक तुमच्या संपर्कात येत असतात. पण आपण अनेकवेळा आर्थिक दृष्ट्या आपल्यापेक्षा कमकुवत असलेल्या लोकांपासून दोन हात दूरच राहाण्याचा प्रयत्न करतो. तुझा याविषयी अनुभव काय आहे?- मुंबई हे शहर सगळ्यांना आपलेसे करणारे आहे. इथे राहाणाऱ्या प्रत्येकाला काही ना काही तरी काम मिळते. आपल्या घरामध्ये काम करणारे, इस्त्रीवाला, दुधवाला यांच्याशी बोलताना त्यांच्या समस्या आपल्याला नेहमीच कळतात. पण अनेकवेळा आपण या सगळ्या गोष्टींपासून दूर राहाण्याचा प्रयत्न करतो. माझ्यामते जातीमुळे जितकी लोकांमध्ये दरी नसते. त्यापेक्षा कित्येक पटाने आर्थिक परिस्थितीमुळे लोकांमध्ये दरी निर्माण झालेली असते. ती दरी कमी करण्याचा आपण सगळ्यांनी मिळून प्रयत्न केला पाहिजे. बाहेर देशातून येणारे लोक हे अार्थिकदृष्ट्या कमकुवत असलेल्या लोकांशी अतिशय चांगले वागतात ही गोष्ट आपण त्यांच्याकडून शिकण्याची गरज आहे. तुझे चित्रपट हे नेहमीच मनोरंजक चित्रपटांपेक्षा वेगळे असतात, याचे कारण काय?मला पॅरलल सिनेमामध्ये काम करायचे आहे असा मी कधीच विचार केला नव्हता. पण नॅशनल स्कूल ऑफ ड्रामामध्ये शिक्षण घेतल्यानंतर चित्रपटांकडे पाहाण्याचा माझा दृष्टिकोन बदलला. खरे तर मी चित्रपटांमध्ये काम करेन असे मला कधी वाटले नव्हते. पण एनएसडीमध्ये शिक्षण घेतल्यानंतर आपण काहीतरी चांगले करावे असा विचार मी केला. मी पहिला चित्रपट युरोपियन केला. बॉलिवुडप्रमाणे तिथल्या चित्रपटात अभिनेत्रीने सुंदर, आकर्षक दिसावे अशा गोष्टी नाहीत. त्यामुळे सौंदर्याला महत्त्व दिले पाहिजे या गोष्टीचा मी कधी विचारदेखील केला नाही. चांगली पटकथा असलेला चित्रपट करायचा ही एकच गोष्ट डोक्यात ठेवून मी चित्रपट स्वीकारते.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

बॉलीवुड :सेम टू सेम

बॉलीवुड :रेशन धान्य खरेदी करतात बॉलिवूडच्या या अभिनेत्री !!!

बॉलीवुड :केआरके व करण जोहरवर अजयचे खळबळजनक आरोप !!!

बॉलीवुड :समलैंगिक भूमिकेसाठी रणबीर सज्ज !!

बॉलीवुड :दीपिकाचा हॉट फोटो व्हायरल!

बॉलीवुड :‘रॉक आॅन २’ मधील श्रद्धाचा फर्स्ट लुक आऊट !

श्रद्धा कपूर सध्या ‘हाफ गर्लफ्रेंड’ ची शूटींग करत असली तरीही तिचे अर्धे लक्ष मात्र ‘रॉक आॅन २’ कडेच ... ...

बॉलीवुड :‘ऐ दिल...’ मधील रणबीरचा न्यू स्टील आऊट!

बॉलीवुड :...चित्रपटाचे शीर्षक होते काहीसे वेगळे!

बॉलीवुड :11329_article

पटकथा लेखक सलीम आणि ज्येष्ठ अभिनेते शत्रुघ्न सिन्हा हे एका कार्यक्रमानिमित्त एकत्र आले होते. ...

बॉलीवुड :मुंबई मेरी जान