रामेश्वर जगदाळे,
मुंबई- मुंबईसह राज्याचा पारा ४५ अंशावर गेला आहे. सर्वत्र उन्हाचा कडाका आहे. या परिस्थितीमध्ये घराबाहेर पडताना कोणत्या प्रकारचे कपडे घालावेत ज्यामुळे आपले घराबाहेरही उन्हापासून रक्षण होईल, असा प्रश्न तुम्हाला पडला आहे का? या तर मग जाणून घेऊ या..
आई माझे कॉटनचे शर्ट कुठे आहे? आज जीन्स नको, शॉर्ट्स बरी आहे... असे संवाद घराघरांत सध्या ऐकायला मिळत आहेत. उन्हापासून विसावा मिळावा म्हणून आपण काय काय नाही करत? शीतपेय, आइसक्रीम, नारळपाणी, नाक्यावरचा बर्फाचा गोळा अगदी चवीने खातो. परंतु आपल्या आयुष्यातील मूलभूत गरज मात्र विसरतो. वाढत्या तापमानाचा अंदाज घेता आपल्या कपड्यांबाबतच्या सवयींमध्ये बदल करणे गरजेचे आहे. सध्या बाजारामध्ये उन्हाळ्यासाठी खास असे कपडे आले आहेत. घराबाहेर पडताना कोणत्या प्रकारचे कपडे घालावेत याबाबतीत घेतलेला हा आढावा...
लाइफस्टाइल संबंधित आणखी बातम्या वाचण्यासाठी क्लिक करा- http://www.lokmat.com/lifestyle-1
खादी शर्ट व सदरा...
तरुण मुला-मुलींपासून ते वयोवृद्धदेखील या वस्त्राचे कपडे घालू शकतात. दिसण्यास रेखीव व उन्हाच्या तडाख्यापासून वाचण्यासाठी या कपड्यांचा वापर होतो. बाजारामध्ये या शर्ट व सदऱ्याची किंमत ४०० ते ८०० पर्यंत आहे.
कॉटन सदरा...
या कुर्तामधून हवा खेळती राहते. त्याचप्रमाणे हा कुर्ता तुम्ही समारंभ व इतर ठिकाणी घालू शकता.. मुली स्टायलिश दिसण्यासाठी या कुर्ताचा वापर करतात. यामध्ये प्रिंटेड व प्लेनसुद्धा उपलब्ध आहेत. याची किंमत ५०० ते १००० पर्यंत आहे.
गुंजी...
उन्हाळ्यात बाहेर फिरण्याचे प्लॅन होत असतात त्या वेळी याचा तुम्हाला वापर होऊ शकतो. तुमच्या आवडीप्रमाणे यामध्ये तुम्ही बदलही करू शकता.. कॉटनपासून याची निर्मिती होत असल्याने उन्हापासून तुमचे संरक्षण होऊ शकते. याची किंमत ५०० ते ७०० पर्यंत आहे.
टॉप-धोती फ्युजन...
टॉप व धोती याचं हे संयोजन आहे. बाजारामध्ये विविध रंग व प्रकारांत उपलब्ध आहे. याची किंमत बाजारात ६०० ते १२००पर्यंत आहे.
फ्लेअर पँट्स...
बेल बॉटम असा याचा पायजमा आहे. काळानुसार लुप्त झालेला हा प्रकार नव्याने बाजारात आला आहे. दिसण्यास आकर्षक व मॉडर्न टच देऊन त्याची निर्मिती करण्यात आली आहे. बाजारात याची किंमत ५०० ते ७०० आहे.