रिओ आॅलिम्पिक २०१६ : फन फॅक्टस्
By ऑनलाइन लोकमत | Updated: July 13, 2016 14:01 IST
रिओ आॅलिम्पिक २०१६ संदर्भातील ही रंजक आकडेवरी
रिओ आॅलिम्पिक २०१६ : फन फॅक्टस्
यंदाची आॅलिम्पिक स्पर्धा ब्राझीलमध्ये होणार असून त्यासाठी संपूर्ण देश मोठ्या उत्साहाने ५ आॅगस्टची वाट पाहत आहे. दक्षिण अमेरिका खंडात प्रथमच आॅलिम्पिक स्पर्धा आयोजित केली जात आहे. हे औचित्यसाधून जगाला आपले सामर्थ्य, क्षमता आणि आपण सुवर्णभविष्याचे मानकरी आहोत असे ठासून सांगण्यासाठी रिओ प्रशासन आणि नागरिक सज्ज झाले आहेत. दर चार वर्षांनी होणारी आणि खऱ्या अर्थाने जागतिक असणारी ही स्पर्धा ५ ते २१ आॅगस्ट दरम्यान पार पडणार आहे. त्याबद्दलची ही काही महत्त्वपूर्ण आकडेवारी -* 206 देश ‘रिओ आॅलिम्पिक २०१६’मध्ये सहभागी होणार आहेत.* खेळाडू आणि अधिकारी मिळून एकूण १७ हजार जण स्पर्धेचा भाग असणार.* स्पर्धेचा दिमाखदार उद्घाटन आणि समोराप सोहळा ७८ हजार आसनक्षमतेच्या मॅराकाना स्टेडिअममध्ये होणार.* आॅलिम्पिक इतिहासात प्रथमच ‘निर्वासितांचा संघ’ आॅलिम्पिकच्या नावाने स्पर्धेत उतरणार.* ७५ लाख तिकिट विक्रीस उपलब्ध.* स्पर्धेच्या सोयीसोठी शहरात भूमिगत मेट्रोची १६ किलोमीटरने क्षमता वाढविण्यात आली आहे. आॅलिम्पिकच्या तयारीसाठी करण्यात आलेला हा सर्वात मोठा इनफ्रास्ट्रक्चर प्रोजेक्ट ठरला.* बाह दा तिजुका, डिओडोरो, कोपाकॅबाना बीच आणि मेराकाना आॅलिम्पिक स्टेडिअम या रिओ शहरातील ४ विभागांत ही स्पर्धा खेळवली जाणार आहे.* संपूर्ण जगातील २५ हजार पत्रकार या खेळाचे वार्तांकन करणार आहेत.* सुमारे ५ लाख पर्यटक स्पर्धेला भेट देतील असा अंदाज.