फॅशनच्या विश्वात सतत काहीना काही बदल होत असतात.कधी मेकअप, कधी हेअरस्टाइल तर कधी कपड्यांच्या डिझाइनमध्ये झपाट्याने बदल बघायला मिळतात. सध्या एका जीन्सची फॅशन विश्वात चांगलीच चर्चा बघायला मिळत आहे. आजपर्यंत तुम्ही डेनिमच्या सरळ जीन्स वापरल्या असतील. सरळ म्हणजे ज्या जीन्सचे पॉकेट आणि बटन वरच्या बाजूला असतात. पण बाजारात जी नवी जीन्स आली आहे ती पूर्णपणे उलटी आहे.
बाजारात आलेल्या या जीन्सला पॉकेट, झिप आणि इतरही गोष्टी कमरेवर नाही तर गुडघ्याजवळ आहेत. बाजारातील या नव्या जीन्सबाबत लोकांमध्ये चांगलीच क्रेझ बघायला मिळत आहे. तर दुसरीकडे काही लोक या जीन्सच्या डिझाइनवर टिकाही करत आहेत.
न्यूयॉर्कमध्ये सुरु झाला ट्रेन्ड
न्यूयॉर्कच्या CIE Denim ब्रॅन्डने हाय राइज जीन्स डिझाइन केली आहे. ही उलट्या डिझाइनची आहे. या जीन्सचं नाव नॅन्सी असं ठेवण्यात आलं आहे. या जीन्सचे पॉकेट आणि झिप तुमच्या गुडघ्यावर येतात. या डिझाइनचे शॉर्ट्सही बाजारात आले आहेत.
किती आहे उलट्या जीन्सची किंमत?
या उलट्या जीन्सची किंमत ३८५ डॉलर म्हणजेट २६, ३७० रूपये इतकी आहे. आश्चर्याची बाब म्हणजे या जीन्सची किंमत वाढून आता ३५ हजार रूपयांपर्यंत गेली आहे. म्हणजे ही उलटी जीन्स घेण्यासाठी तुम्हाला इकते पैसे खर्च करावे लागतील. इतक्या पैशात तुमच्या सरळ ५ जीन्स येतील.