मॅडोना मॉडेलच्या प्रेमात

प्रसिद्ध पॉप स्टार मॅडोना सध्या एका २५ वर्षीय मॉडेलच्या प्रेमात आकंठ बुडाली आहे. असे म्हटले जात आहे की, तिला स्वत:चे संगीत ऐकुण खुप आनंद मिळत आहे. सध्या पहिला पती गाई रिची याच्यापासून झालेल्या रोक्को या मुलाच्या कस्टडीसाठी ती न्यायालयीन लढाई लढत आहे. या कठीणप्रसंगी मॅडोनाला (५७) मॉडेल अबूबाकर सौमाहोरो याचा आधार मिळत असून, त्याची संगत तिला देखील हवीहवीशी वाटत आहे. मॅडोनाच्या एका मित्राने सांगितले की, दोघांची ओळख गेल्यावर्षी एका पार्टीत झाली होती. या भेटीनंतर काही आठवड्यातच अबूबाकर मॅडोनाच्या घरी भेटायला आला होता. मात्र दोघांमधील नात्याच्या बातम्या चुकीच्या असल्याचे मॅडोनाच्या प्रवक्तांकडून स्पष्ट करण्यात आले.